Jang 24:10 - Sơ̆p Hlabơar Nơ̆r 'Bok Kei-Dei

¹⁰ Đơ̆ng noh Phêlik athei Pôl pơma. Pôl khan thoi âu: “Inh băt kơ ih sek tơlang lăm dêh char âu đunh sơnăm boih, na inh ưh kơ hli pơma dŏng akâu kơdih.

Jang 24:10 Iomraidhean Croise

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Luka 12:14

Yêsu khan: “Ơ bơngai ah, bu ăn kơ Inh pơm kră sek tơlang wă dô̆ asong mŭk biĕm?”

Luka 18:2

“Tơ minh pôm pơlei ei đei minh 'nu 'bok sek tơlang, sư ưh kơ chu yom kơ 'Bok Kei-Dei păng ưh kơ hli kơ đe.

Jang 12:17

Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

Jang 13:16

Đơ̆ng noh na Pôl iung yơ̆r ti păng khan: “Ơ lu bơngai Isơrael păng lu bơngai tơmoi năm kơkuh kơ 'Bok Kei-Dei, apinh iĕm mơ̆ng inh bĕ.

Jang 18:15

Mă-lei tơdrong âu gah nơ̆r sư bơtho đĕch, na dang ei gô mơ̆ng tơdrong juăt iĕm kơdih đĕch. Iĕm athei sek tơlang kơdih, inh ưh kơ wă mơ̆ng iĕm dơ̆ng.”

Jang 19:33

Lu bơngai Juđê tơ pơlei ei mơ̆n, sư athei minh 'nu bơngai bôl sư, Aleksandrê, năm dơ̆ng 'bơ̆t anăp kon pơlei pơla wă pơma dŏng lu sư. Na lu bơngai Êphêsô mơ'nah ngêh kơ Aleksandrê boih bơngai đe wă sek tơlang. Na Aleksandrê yơ̆r ti sư wă kơ đe thĕng huay pă pơma. Sư wă pơma dŏng lu bơngai Juđê ră.

Jang 21:40

'Bok tih linh ăn kơ sư pơma, na Pôl dơ̆ng 'bơ̆t kung yơ̆r ti sư wă kơ lu kon pơlei pơla oei thĕng. Lăp lu sư thĕng ưh pă đei pơma boih, na Pôl pơma kơ lu sư hăm nơ̆r Juđê:

Jang 23:24

Mă 'bar 'nu biĕm kư̆m athei đei aseh mơ̆n wă ăn kơ Pôl hao kiơ̆. Biĕm hăm lu linh athei chông ba Pôl truh tơ 'bok kuan tih Phêlik.”

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.