Jang 23:9 - Sơ̆p Hlabơar Nơ̆r 'Bok Kei-Dei

⁹ Lu sư pơma re đơđơu đơđao mao. Đei lu 'bok thây bơtho tơdrong juăt Juđê khŭl Pharisi, lu sư wă kơ jei sư na sư iung pơma dŏng Pôl khan hloi thoi âu: “Bơngai âu ưh kơ đei pơm tơdrong kiơ ôh. Rŏ lăng sư đei linh jang 'lơ̆ng pơma khan kơ sư kơlĕ.”

Jang 23:9 Iomraidhean Croise

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Markôs 2:16

Na lu 'bok thây bơtho tơdrong juăt đe Juđê gah khŭl đe Pharisi 'bôh Yêsu sŏng sa hơdai lu đe noh, na lu sư jet lu bơngai pơhrăm păng Yêsu: “Kơlih kơ kiơ Yêsu Sư sŏng sa hơdai lu bơngai iŏk jên thuê̆ hăm lu bơngai pơm yoch?”

Luka 23:22

Pilat pơma dŏng ră Yêsu 'măng mă pêng thoi âu: “Kơlih kơ kiơ iĕm wă pơlôch Sư? Sư pơm tơdrong yoch kiơ? Inh ưh kơ 'bôh Sư pơm tơdrong yoch kiơ ôh na lơliơ iĕm khan wă pơlôch Sư lĕ? Na dang ei inh athei lu linh teh pơjĭ Sư păng sơnguĕt, na đơ̆ng noh tơlĕch Sư đĕch.”

Luka 23:4

Na Pilat khan kơ lu 'bok soi tih păng đĭ-đăng lu bơngai tơpôl oei kiơ̆ ei: “Inh 'bôh bơngai 'nâu ưh kơ đei tơdrong yoch kiơ ôh.”

Luka 5:30

Na lu bơngai Pharisi păng lu 'bok thây bơtho tơdrong juăt đe Juđê khan kơ lu bơngai pơhrăm păng Yêsu thoi âu: “Yua kơ kiơ iĕm sŏng sa hơdai hăm lu bơngai iŏk jên thuê̆ păng lu bơngai pơm yoch?”

Yo 12:29

Lu bơngai tơpôl oei 'bơ̆t ei kơtơ̆ng nơ̆r 'noh, lu mơ'nah khan grơ̆m, lu mơ'nah dơ̆ng khan linh jang 'lơ̆ng 'Bok Kei-Dei pơma păng Yêsu.

Jang 11:17

'Bok Kei-Dei ăn kơ lu sư Yang Bơhngol 'Lơ̆ng thoi Sư ăn kơ bơ̆n sơ̆ lăp bơ̆n lui kơ Kră Yang Yêsu Krist, na Sư ăn kơ bơ̆n Yang Bơhngol 'Lơ̆ng hloi. Na inh ưh kơ wă găn 'Bok Kei-Dei ôh.”

Jang 22:6

“Lăp 'năr dơ̆ng, hơtai inh oei năm rok trong wă jê̆ truh tơ Pơlei Đamas boih inh 'bôh hloi ŭnh pơchrang rang hơdah tơpă, đơ̆ng plĕnh pơchrang tăp dăr kơ inh.

Jang 22:7

Inh huŏng hơtat hloi đơ̆ng kơdŭ aseh hăm kơtơ̆ng hloi nơ̆r pơma kơ inh thoi âu: ‘Ơ Sôl, Inh pơm kiơ kơ ih na ih pơm kơnê̆ kơ Inh?’

Jang 23:29

Mă-lei inh 'bôh sư ưh kơ đei tơdrong wă pơlôch dah tah sư lăm hnam phak ôh. Lu bơngai Juđê jâu sư gah tơdrong juăt lu sư đĕch.

Jang 23:8

Đơ̆ng sơ̆ lu bơngai Pharisi khan kon bơngai gô iung arih đơ̆ng lôch ning-mônh. Na lu bơngai Sađusê khan ưh. Lu bơngai Pharisi khan đei linh jang 'lơ̆ng păng lu yang nai. Lu bơngai Sađusê khan ưh kơ đei ôh, đei 'Bok Kei-Dei đĕch. Yua kơ thoi noh na lu sư pơjah dih băl.

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Jang 5:39

Mă-lei dah tơdrong sư 'noh lĕch đơ̆ng 'Bok Kei-Dei, iĕm ưh kơ layơ gơh pơrăm lu sư. Iĕm pơm kơnê̆ kơ lu sư, noh dang iĕm wă blah 'Bok Kei-Dei.”

Jang 9:4

Sư huŏng hơtat hloi đơ̆ng kơdŭ aseh. Na Sôl sư kơtơ̆ng nơ̆r pơma kơ sư khan thoi âu: “Ơ Sôl, Inh pơm kiơ kơ ih, na ih pơm kơnê̆ kơ Inh?”

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

I Sam 12:5

Sư khan dơ̆ng: Kră Yang pơm kơdranh kơ iĕm; bơngai mă Sư tuh đak rơmă kư̆m pơm kơdranh kơ iĕm ưh kơ đei 'bôh kiơ lăm ti inh. Lu sư tơl: Hơpơi kơ Kră Yang pơm kơdranh kơ bơ̆n.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.