Jang 23:6 - Sơ̆p Hlabơar Nơ̆r 'Bok Kei-Dei

⁶ Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 23:6 Iomraidhean Croise

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 22:23

Lu bơngai Juđê mơ'nah lui kơ 'Bok Kei-Dei kiơ̆ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lăm năr noh mơ̆n lu sư năm pơjah pơjăng păng Yêsu na lu sư jet Yêsu thoi âu:

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 22:30

'Bok tih linh wă kơ băt kơnăl tơpă tơdrong kiơ lu bơngai Juđê jâu areh kơ Pôl, na năr dơning dơ̆ng sư krao akŭm lu 'bok soi tih păng đĭ-đăng lu kră sek tơlang. Sư athei lu linh yaih tơlei glang mam đêl chô̆ sư na anhăk sư dơ̆ng 'bơ̆t anăp lu kră sek tơlang.

Jang 22:5

'Bok soi tơm hăm lu bơngai kră sek tơlang, lu kră pơgơ̆r bơngai Juđê băt kơ inh pơm thoi noh tơpă sơ̆. Lu sư boih chih ăn kơ inh kơthơ wă pơtruh kơ lu 'nhŏng oh bơngai Juđê tơ Pơlei Đamas. Na inh năm tơ Pơlei Đamas wă rôp lu bơngai lui kơ Yêsu, chô̆ lu sư chông ba năm tơ Pơlei Jêrusalem wă phak lu sư.

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 23:15

Na dang ei nhôn wă kơ iĕm apinh 'bok tih linh ăn kơ Pôl năm tơ lu iĕm, khan iĕm wă pơma tơdrong Pôl dơ̆ng. Na lăp lu linh năm ba sư oei năm rok trong, na lu nhôn wă răp pơlôch Pôl hloi.”

Jang 23:20

Mon Pôl khan: “Lu bơngai Juđê wă apinh ih athei ih anhăk mih Pôl tơ lu sư năr dơning. Lu sư khan wă sek tơlang mih Pôl dơ̆ng.

Jang 23:7

Lăp lu bơngai khŭl Pharisi păng lu bơngai khŭl Sađusê kơtơ̆ng Pôl pơma thoi noh, na lu sư pơjah dih băl hloi, ưh pă pôm đon ôh.

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

Jang 24:21

Pôm tơdrong âu inh pơma 'bơ̆t anăp lu kră sek tơlang, inh khan thoi âu: ‘Iĕm sek tơlang tơdrong inh năr âu yua kơ inh lui kơ lu bơngai lôch iung arih ning-mônh.’ Pôm tơdrong âu đĕch inh khan kơ sư na liơ lu sư gơh jâu inh tơdrong noh đĕch?”

Jang 28:20

Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Philip 3:5

Sơ̆ đe kư̆m kăt tơdra akar inh kơplah inh oei nge 'nao lăp tơhngam năr. Yua kơ inh bơngai Isơrael tơpă na đe kăt tơdra akar inh đơ̆ng oei nge. Păng inh adrĕch adrung Bênjamin. Inh pơma nơ̆r Isơrael kư̆m lei-lăi thoi mĕ 'bă inh. Lu bơngai Pharisi kiơ̆ tơdrong juăt Môis kơjăp, inh kư̆m jing bơngai Pharisi kiơ̆ kơjăp thoi lu sư mơ̆n.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.