Jang 23:5 - Sơ̆p Hlabơar Nơ̆r 'Bok Kei-Dei

⁵ Pôl khan: “Ơ lu 'nhŏng oh, inh ưh kơ băt kơ sư 'bok soi tơm ôh. Inh băt mơ̆n sơ̆p hla bơar 'Bok Kei-Dei chih athei bơ̆n 'nĕ pơma hơwĕng kơ kră pơgơ̆r lu bơ̆n.”

Jang 23:5 Iomraidhean Croise

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Bôk Bơthô 10:20

Mă khan lăm tơdrong ih tơchĕng, ih 'nĕ kơ hiap pơtê̆ pơtao ôh; mă khan lăm anih ih tep, ih kư̆m 'nĕ kơ hiap lu bơngai mơdrŏng mơng; yua kơ lu sem păr anhăk pơđông roi tơdrong ih pơm tơ ataih.

Jang 23:4

Lu bơngai oei jê̆ Pôl ei khan kơ Pôl: “Ih pơma hơwĕng kơ bơngai soi kơ 'Bok Kei-Dei lah, 'Bok Kei-Dei pôk sư 'bok soi tơm.”

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

II Pet 2:10

Mă loi lu bơngai mă hưch hanh kơ pơm tơdrong kơnê̆ kư̆ kă, lu sư ưh kơ băt chu yom kơ yŏng tơ'ngla kơdih, lu bơngai noh Sư hil dêh. Lu 'bok bơtho mơ'nah lu sư juăt kơ pơm thoi noh. Lu sư pơma kư̆ kă ưh kơ băt hli kơ đe păng ưh kơ băt mơlâu kơ đe. Lu sư kư̆m ưh kơ hli kơ pơma kơnê̆ kơ lu linh jang mơ̆n.