Jang 23:35 - Sơ̆p Hlabơar Nơ̆r 'Bok Kei-Dei

³⁵ 'Bok kuan tih khan: “Gô lu bơngai wă jâu ih truh, na inh gô sek tơlang tơdrong ih.” Klaih kơ noh sư athei lu linh sư gak Pôl lăm hnam 'bok kuan tih. Hnam ei đêl pơtao Hêrôt pơm sơ̆.

Jang 23:35 Iomraidhean Croise

Je 38:13

Na lu sư dui hơtŏk Jêrêmi đơ̆ng lăm sơlŭng; na Jêrêmi oei chĭt lăm cham anih lu linh gak.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:3

Lăp pơtao Hêrôt kơtơ̆ng tơdrong noh sư sơleng kơ đon păng jơhngơ̆m sư hli. Đĭ-đăng bơngai lăm Pơlei Jêrusalem kư̆m hli lei-lăi mơ̆n.

Mathiơ 27:27

Đơ̆ng noh na lu linh Pilat anhăk Yêsu mơ̆t tơ hnam Pilat, akŭm băl đĭ kơ minh grŭp sư tơ noh.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Jang 23:30

Na đơ̆ng rŏng kơ noh inh kơtơ̆ng ang lu bơngai Juđê wă răp pơlôch sư, na inh athei hloi lu linh inh năm ba sư tơ ih. Inh athei lu bơngai jâu sư năm tơ ih mơ̆n wă kơ lu sư jâu sư 'bơ̆t anăp ih.”

Jang 24:1

Đơ̆ng rŏng kơ noh pơđăm năr, 'bok soi tơm, anăn sư Anania, năm tơ Pơlei Sêsarê. Kư̆m đei lu kră sek tơlang mơ'nah, hăm minh 'nu bơngai pơma tang lu kră sek tơlang, anăn sư Têtulus, năm hơdai hăm sư mơ̆n. Lu sư ei năm 'bơ̆t anăp 'bok kuan tih Phêlik wă pơma jâu Pôl.

Jang 24:10

Đơ̆ng noh Phêlik athei Pôl pơma. Pôl khan thoi âu: “Inh băt kơ ih sek tơlang lăm dêh char âu đunh sơnăm boih, na inh ưh kơ hli pơma dŏng akâu kơdih.

Jang 24:19

Lu bơngai Juđê mă 'bôh inh ei sư khan đei tơdrong wă jâu inh, mă-lei lu sư ưh kơ 'bôh năm 'bơ̆t anăp ih wă jâu inh.

Jang 24:22

'Bok kuan tih Phêlik kư̆m băt lơ tơpă gah tơdrong lui kiơ̆ kơ Yêsu. Na năr ei sư kuă kơ sek tơlang dơ̆ng. Sư khan: “'Bok tih linh Lisia truh tơ âu, inh gô sek tơlang mă tôch 'mơ̆i tơdrong lu iĕm âu.”

Jang 24:23

Phêlik athei linh sư gak Pôl, mă-lei ăn kơ Pôl rơhơi 'biơ̆ mơ̆n păng ăn lu bôl buăl sư năm tơdŏng mơnat dôm tơdrong Pôl wă.

Jang 25:16

Mă-lei inh khan kơ sư lu bơngai Rôm ưh kơ pơm thoi noh ôh. Tơdah jâu bơngai bu, đe athei jâu bơngai ei 'bơ̆t anăp sư hloi hăm ăn kơ sư pơma dih băl. Tơdah tam mă pơma pơjăng dih băl, ưh kơ gơh phak sư ôh.