Jang 23:2 - Sơ̆p Hlabơar Nơ̆r 'Bok Kei-Dei

² 'Bok soi tơm, anăn sư Anania, kơtơ̆ng thoi noh, sư athei lu bơngai oei 'bơ̆t jê̆ Pôl tap Pôl 'bơ̆t kang.

Jang 23:2 Iomraidhean Croise

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

II Ho 18:23

Sêdêkia, kon drŏ-nglo Kênaana, năm jê̆ tap tơ'bŏk Mikaia păng jet: “Trong ayơ Yang Bơhngol Kră Yang lĕch đơ̆ng inh năm roi kơ ih?”

Jop 16:10

Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Yo 18:23

Na Yêsu khan kơ sư dơ̆ng: “Dah Inh pơma glăi, ih roi tơdrong glăi 'noh; dah Inh pơma trŏ, liơ ih tap Inh thoi âu?”

Jang 24:1

Đơ̆ng rŏng kơ noh pơđăm năr, 'bok soi tơm, anăn sư Anania, năm tơ Pơlei Sêsarê. Kư̆m đei lu kră sek tơlang mơ'nah, hăm minh 'nu bơngai pơma tang lu kră sek tơlang, anăn sư Têtulus, năm hơdai hăm sư mơ̆n. Lu sư ei năm 'bơ̆t anăp 'bok kuan tih Phêlik wă pơma jâu Pôl.