Jang 22:3 - Sơ̆p Hlabơar Nơ̆r 'Bok Kei-Dei

³ “Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 22:3 Iomraidhean Croise

II Sam 21:2

Bơngai Gibeôn ưh kơ trŏ gah adrĕch kon pơlei Isơrael, mă-lei lu sư adrĕch Amôrit mă oei oei. Bơngai Isơrael pơkă ưh kơ wă pơlôch lu sư, mă-lei pơtao Sôl yua kơ đei jơhngơ̆m lăp kơ lu adrĕch adrung Isơrael păng Juđa, lei na chă đon pơlôch lu sư. Na pơtao krao akŭm lu bơngai Gibeôn.

II Pot 4:38

Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

Luka 10:39

Mathê đei minh 'nu oh drŏ-kăn anăn sư Mari. Na Mari tơoei 'bơ̆t jơ̆ng Yêsu mơ̆ng Sư bơtho.

Luka 2:46

Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.

Luka 8:35

Na lu kon pơlei pơla năm lăng tơdrong noh lơliơ. Lu sư năm tơ Yêsu na 'bôh bơngai mă đêl yang mơ̆t ei oei ngôi 'bơ̆t jơ̆ng Yêsu. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu đe ei hli kơ Yêsu.

Jang 11:25

Đơ̆ng rŏng kơ noh dơ̆ng, 'Barna'ba năm tơ Pơlei Tarsơ sư chă Sôl.

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

Jang 15:41

Bre sư năm tơ dêh char Siri păng dêh char Salisia bơtho păng tơgŭm bơngai lui.

Jang 21:20

Hlôi sư pơma đang boih na lu sư khan bơnê kơ Kră Yang 'Bok Kei-Dei. Klaih kơ noh lu sư khan kơ Pôl: “Ơ oh, ih băt boih đei dôm rơbâu 'nu bơngai Juđê lui kơ Kră Yang Yêsu boih. Đĭ-đăng lu sư adrin kiơ̆ tơdrong juăt Môis ngăl.

Jang 21:39

Pôl khan: “Ưh ôh. Inh bơngai Juđê đơ̆ng Pơlei Tarsơ lăm dêh char Salisia. Pơlei Tarsơ kư̆m tih mơ̆n. Apinh ih asong inh pơma kơ lu kon pơlei pơla.”

Jang 23:34

'Bok kuan tih đŏk lăng kơthơ ei na jet Pôl: “Ih đơ̆ng dêh char ayơ?” Pôl khan: “Inh đơ̆ng dêh char Salisia.”

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 26:5

Lu sư kư̆m băt mơ̆n hăm gơh ră roi kơ ih mơ̆n tơdah lu sư wă, đơ̆ng sơ̆ inh kiơ̆ khŭl đe Pharisi. Lăm lu bơngai Juđê khŭl Pharisi boih adrin tơpă wă kiơ̆ tơdrong juăt bơngai Juđê.

Jang 26:9

“Sơ̆ inh kư̆m wă pơrăm tơpă lu bơngai lui kiơ̆ kơ Yêsu, sư bơngai Pơlei Nasaret.

Jang 5:34

Mă-lei đei minh 'nu bơngai kơdră sek tơlang iung pơma. Sư bơngai khŭl đe Pharisi, anăn sư Gemel. Sư bơngai bơtho tơdrong juăt Juđê păng đĭ-đăng bơngai ư-ang kơ sư. Sư athei bơngai gak tơlĕch lu jơ̆ng 'bang Yêsu tơ 'ngoaih tŏ sĕt.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.

Jang 9:1

Sôl sư oei kơnam wă pơlôch lu bơngai lui kơ Kră Yang Yêsu. Sư năm apinh tơ 'bok soi tơm pơm ăn kơ sư hla bơar wă kơ gơh rôp lu bơngai lui. Na 'bok soi pơm ăn kơ Sôl hla bơar gơh năm rôp đe tơ rim hnam akŭm đe Juđê tơ Pơlei Đamas, anhăk tơ Pơlei Jêrusalem dôm lu bơngai lui kiơ̆ Yêsu mă drŏ-nglo mă drŏ-kăn.

Jang 9:11

Kră Yang Yêsu khan kơ sư: “Inh athei ih năm tơ Trong Tơpăt, truh tơ hnam Juđa, chă minh 'nu bơngai đơ̆ng Pơlei Tarsơ, anăn sư Sôl. Tơ ei sư oei krao khan kơ Inh.

Jang 9:30

Lu bôl Sôl kơtơ̆ng thoi noh na năm ba sư truh tơ Pơlei Sêsarê. Đơ̆ng noh na Sôl năm truh tơ pơlei sư Tarsơ minh drô̆ sư.

Rom 11:1

Thoi noh ră, mă-lei 'Bok Kei-Dei hăm hŭt lê̆ đe Isơrael? Ưh ôh, Sư oei 'mêm tơpă. Na inh âu boih bơngai Isơrael kư̆m kon sâu Abraham; inh đơ̆ng adrĕch adrung 'bok Bênjamin.

II Kor 11:22

Lu bơngai noh bơngai Hêbrơ hă? Inh kư̆m bơngai Hêbrơ. Lu bơngai noh bơngai Isơrael hă? Inh kư̆m bơngai Isơrael. Lu sư kon sâu Abraham hă? Inh kư̆m kon sâu 'bok noh.

Galati 1:14

Inh kiơ̆ tơdrong juăt bơngai Juđê sơ̆, iung lu jơhnơr nhôn pôm inh jang kơtang hloh kơ lu sư. Inh adrin tơpă kiơ̆ tơdrong juăt lu yă 'bok nhôn sơ̆.

Galati 1:21

Đơ̆ng rŏng kơ inh hơpong kơ Pêtrôs noh na inh năm tơ dêh char Siri păng dêh char Salisia.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.