Jang 22:25 - Sơ̆p Hlabơar Nơ̆r 'Bok Kei-Dei

²⁵ Lu linh chô̆ Pôl wă kơ teh sư. Na Pôl khan kơ 'bok phŏ linh oei 'bơ̆t ei thoi âu: “Iĕm ưh kơ gơh teh inh ôh, yua kơ inh bơngai Rôm lei-lăi thoi iĕm mơ̆n, na lu đe kră tam mă năm sek tơlang tơdrong inh.”

Jang 22:25 Iomraidhean Croise

Mathiơ 10:17

Iĕm athei kơchăng, yua kơ đe gô rôp iĕm jao kơ lu kră sek tơlang păng tôn teh iĕm tơ hnam akŭm đe Juđê.

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Mathiơ 8:8

'Bok tih linh ei khan: “Ơ 'Bok, inh ưh kơ hơnhŏ wă anhăk ba Ih tơ hnam inh ôh, inh wă kơ Ih sơkat đơ̆ng âu đĕch na sư tơ hnam klaih.

Jang 10:1

Tơ Pơlei Sêsarê đei minh 'nu bơngai anăn sư Kôrnei. Sư 'bok yŏng linh lăm khŭl linh đe anăn khŭl Itali, mă-lei sư wei lăp minh grŭp đĕch.

Jang 16:37

Mă-lei Pôl khan kơ lu yŏng linh thoi âu: “Nhi bơngai Rôm lei-lăi thoi iĕm mơ̆n. Mă-lei lu kră pơlei năr brei sư tam mă sek tơlang tơdrong nhi, athei lu linh pơjĭ nhi hloi, 'bơ̆t anăp kon pơlei pơla tăm. Na đơ̆ng noh sư tah nhi lăm hnam phak. Na dang ei sư tơlĕch nhi ưh kơ đei roi kơ đe. Sư pơm thoi noh ưh kơ trŏ ôh. Na dang ei nhi athei lu kră pơlei năm tơ âu pơma tơdrong tơlĕch nhi âu.”

Jang 22:26

'Bok linh kơtơ̆ng Pôl pơma thoi noh, na sư năm tơ 'bok yŏng sư jet hloi: “Ih wă pơm kiơ kơ bơngai âu, sư bơngai Rôm lah?”

Jang 23:17

Na Pôl krao minh 'nu 'bok phŏ linh păng khan: “Apinh ih năm ba bơngai tơdăm âu tơ 'bok yŏng ih. Sư đei tơdrong wă pơma hăm yŏng ih.”

Jang 23:27

Lu bơngai Juđê rôp bơngai âu na wă jê̆ pơlôch sư ră mă-lei inh kơtơ̆ng đe khan sư bơngai Rôm na inh hăm lu linh inh tơdŏng sư.

Jang 25:16

Mă-lei inh khan kơ sư lu bơngai Rôm ưh kơ pơm thoi noh ôh. Tơdah jâu bơngai bu, đe athei jâu bơngai ei 'bơ̆t anăp sư hloi hăm ăn kơ sư pơma dih băl. Tơdah tam mă pơma pơjăng dih băl, ưh kơ gơh phak sư ôh.

Jang 27:1

Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 27:3

Na năr dơning nhôn truh tơ Pơlei Siđôn. 'Bok yŏng linh, anăn sư Julus, mơnat kơ Pôl, na ăn kơ sư jur đơ̆ng thŏng-nan năm ngôi tơ lu buăl sư tơ pơlei ei. Julus kư̆m ăn kơ buăl Pôl tơgŭm Pôl lu tơdrong sư wă kăl.

Jang 27:43

Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.