Jang 22:22 - Sơ̆p Hlabơar Nơ̆r 'Bok Kei-Dei

²² Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Jang 22:22 Iomraidhean Croise

Luka 23:18

Pilat wă tơlĕch Yêsu ră mă-lei đĭ-đăng kơ lu sư wang pơma 'bơ̆r re khan: “Pơlôch Sư đĕch na tơlĕch ăn kơ nhôn 'Barra'ba.”

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Jang 21:36

Đĭ-đăng kon pơlei pơla druh lu linh anhăk Pôl ei pơma 'bơ̆r re khan: “Pơlôch sư hŏ. Pơlôch sư hŏ.”

Jang 25:24

Lăp Pôl truh, Phêtus khan: “Ơ pơtao Agripa hăm đĭ-đăng bơngai akŭm tơ âu, bơngai âu đĭ-đăng lu bơngai Juđê jâu sư 'bơ̆t anăp inh tơ Pơlei Jêrusalem hăm tơ pơlei âu mơ̆n. Lu sư pơma hơlen khan ưh kơ trŏ ăn kơ sư arih ôh, athei pơlôch sư đĕch.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.