Jang 22:14 - Sơ̆p Hlabơar Nơ̆r 'Bok Kei-Dei

¹⁴ Anania khan kơ inh: ‘Lu kơdră bơ̆n sơ̆ lui kơkuh kơ 'Bok Kei-Dei. 'Bok Kei-Dei boih rơih iŏk ih, wă kơ ih băt dôm tơdrong Sư pơm, Sư wă kơ ih 'bôh Kon 'lơ̆ng tơpăt Sư păng kơtơ̆ng Kon Sư pơma.

Jang 22:14 Iomraidhean Croise

II Pot 21:22

Sư achăng lê̆ Kră Yang 'Bok Kei-Dei lu yă 'bok sư, sư ưh kơ năm kiơ̆ trong Kră Yang ôh.

I Ho 12:17

Đawit lĕch sơng lu sư păng khan: “Tơdah lu iĕm năm hăm tơdrong hiôk-hian păng wă tơgŭm inh lei jơhngơ̆m inh gô pơgơ̆p hăm lu iĕm; tơdah lu iĕm hơlĕnh blah inh wă tơgŭm kơ lu bơngai ayăt, lei apinh Kră Yang 'Bok Kei-Dei 'bok bơ̆n sek lăng păng phak lu iĕm; yua kơ ti inh ưh kơ đei pơm tơdrong kơnê̆ kiơ.”

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

II Ho 28:25

Tơ rim pơlei lăm char Juđa, sư pơjing pơdơ̆ng lu anih kơjung wă soh tơmam 'bâu phu ăn kơ lu yang nai, wă tơblĕk Kră Yang 'Bok Kei-Dei 'bok sư.

II Ho 30:19

“Hơpơi apinh Kră Yang Tơ'ngla dim, 'nĕ kơ jô̆ yo kơ lu bơngai mă đĭ jơhngơ̆m chă Kră Yang 'Bok Kei-Dei lu 'bok sư, mă khan lu sư tam kiơ̆ hơmet akâu kơdih rơgoh kiơ̆ thoi tơdrong juăt hnam akŭm rơgoh.”

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Jang 13:17

Inh roi gah tơdrong lu bơngai Isơrael. Lu bơngai Isơrael kơkuh kơ 'Bok Kei-Dei. 'Bok Kei-Dei rơih lu 'bok kơdră bơ̆n sơ̆. Na hơtai lu sư oei tơ dêh Êyiptơ thoi lĕ kơ tơmoi đĕch, mă-lei 'Bok Kei-Dei ăn kơ lu sư rai đunh rai lơ tơpă. Yua kơ Kră Yang 'Bok Kei-Dei pơm hăm tơdrong mơsêh mơyang Sư kơdih na Sư tơlĕch lu sư đơ̆ng dêh char Êyiptơ.

Jang 22:15

Sư rơih ih wă kơ ih ră roi kơ đĭ-đăng bơngai gah tơdrong ih 'bôh Yêsu boih, hăm tơdrong ih kơtơ̆ng nơ̆r Sư pơma.

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 26:16

Ih iung wăi. Inh năm tơ ih wă kơ ih jang tơdrong Inh. Ih athei roi kơ đe tơdrong ih 'bôh Inh năr âu boih. Ih gô 'bôh Inh dơ̆ng hăm kư̆m roi tơdrong ih 'bôh Inh hăm dôm tơdrong Inh tơbăt ăn kơ ih.

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Jang 9:17

Anania năm tơ Sôl, sư pel kơ̆l Sôl khan hloi: “Ơ 'nhŏng, Kră Yang Yêsu mă ih tơ'bơ̆p tơ trong hăm mơsêh mơyang Sư, Sư wơh inh năm tơ ih wă ăn kơ ih gơh 'bôh hơdah thoi đêl păng ăn kơ ih 'bĕnh kơ Yang Bơhngol 'Lơ̆ng.”

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

I Kor 15:8

'Bơ̆t tuch-luch Sư tơ'bôh kơ inh, inh thoi lĕ kơ minh 'nu kon nge đe tơpŭ hloh kơ khei 'năr,

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 1:12

Kon bơngai ưh kơ đei bơtho inh tơdrong noh, pôm Yêsu Krist đĕch tơbăt kơ inh tơdrong 'nao 'lơ̆ng Sư.

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

II Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh mă 'mêm kơeng tơpă. Sơ̆ 'Bok Kei-Dei athei inh pơm jơ̆ng 'bang Yêsu Krist wă pơtruh nơ̆r pơkă khan: Yua kơ Yêsu Krist lôch tang kon bơngai na Sư gô ăn kon bơngai arih ling-lang. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

Tit 1:1

Pôl chih hơpong kơ Tĭt. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu đơ̆ng inh bơtho ih sơ̆. Inh boih đĭch đam 'Bok Kei-Dei păng jơ̆ng 'bang Yêsu Krist. 'Bok Kei-Dei wơh inh bơtho kon bơngai đêl Sư rơih iŏk wă kơ lu sư lui kơ Sư păng wă tơbăt ăn kơ lu sư tơdrong Sư, na lu sư gơh pơm tơdrong 'lơ̆ng tơpăt. Thoi noh na lu sư gô arih ling-lang. 'Bok Kei-Dei ưh kơ hơlĕnh ôh. Đơ̆ng blŭng-a sơ̆, đơ̆ng Sư tam mă pơjing plĕnh teh, đơ̆ng noh boih Sư pơkă khan gô ăn kơ bơ̆n arih ling-lang. Na truh sơnăm Sư boih, na Sư pơtruh ăn kơ bơ̆n tơdrong 'nao 'lơ̆ng Sư wă ăn kơ bơ̆n arih ling-lang. Thoi noh boih 'Bok Kei-Dei dŏng pơklaih bơ̆n. Kư̆m Sư boih athei inh bơtho tơdrong 'nao 'lơ̆ng Sư. Ơ dăm, inh krao khan apinh 'Bă tơm bơ̆n 'Bok Kei-Dei hăm 'Bok Dŏng Pơklaih bơ̆n Yêsu Krist wei-lăng ih tôm tơdrong wă kơ Sư ăn kơ ih hiôk-hian ling-lang.

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.