Jang 21:5 - Sơ̆p Hlabơar Nơ̆r 'Bok Kei-Dei

⁵ Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 21:5 Iomraidhean Croise

I Pot 8:54

Lăp pơtao Sôlômôn krao khan kơ Kră Yang đang bơih; sư iung dơ̆ng tơ anăp chơnang soi Kră Yang, 'bơ̆t anih sư pơtăm kŭl-tăng sư iung yơ̆r ti tơ kơpal plĕnh.

II Ho 20:13

Đĭ-đăng bơngai Juđa hăm lu kon akăn lu sư dơ̆ng 'bơ̆t anăp Kră Yang.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Mathiơ 14:21

Lu bơngai mă sŏng sa ei pơđăm-rơbâu 'nu jô̆ gah bơngai drŏ-nglo đĕch, ưh kơ đei jô̆ drŏ-kăn păng hơ'lơ̆p ôh.

Markôs 1:40

Đei minh 'nu bơngai jĭ chin năm apinh Yêsu pơklaih sư. Sư sơtơ̆p kŭl-tăng apinh khan: “Dah Ih wă, Ih gơh pơklaih inh.”

Luka 22:41

Đơ̆ng noh na Yêsu năm ataih ataih 'biơ̆ kơ lu đe noh na Sư sơtơ̆p kŭl-tăng krao khan kơ 'Bă Sư 'Bok Kei-Dei.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 17:10

Truh 'năr mơ̆t boih, lu bơngai lui athei bre Pôl păng Silas năm tơ Pơlei Bêrê. Lăp truh tơ pơlei ei na bre sư năm akŭm tơ hnam akŭm bơngai Juđê.

Jang 20:36

Hlôi Pôl pơma đang boih, Pôl păng đĭ-đăng lu sư sơtơ̆p kŭl-tăng, na Pôl krao khan kơ Kră Yang 'Bok Kei-Dei.

Jang 20:38

Lu sư sơ'ngon tơpă kơlih kơ Pôl khan sư, ưh pă đei layơ wă 'bôh lu sư tơ ala teh âu dơ̆ng. Klaih kơ noh lu sư năm ba Pôl tơ thŏng-nan.

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Jôsuê 8:35

Ưh kơ đei nơ̆r ayơ Môis đei bơtho khan, mă Jôsuê ưh kơ đŏk ưh kơ roi tơbăt ăn kơ bơngai Isơrael, mă drŏ-kăn, hơ'lơ̆p păng mă tơmoi oei hơdai lu sư.