Jang 21:34 - Sơ̆p Hlabơar Nơ̆r 'Bok Kei-Dei

³⁴ Lu sư pơma re, mơ'nah khan sư pơm tơdrong 'nâu, lu mơ'nah khan pơm tơdrong nai. Kơlih kơ 'bơ̆r bơngai tơpôl pơma na jing đơđơu đơđao mao, 'bok tih linh ưh kơ băt Pôl pơm tơdrong kiơ. Na sư athei lu linh sư anhăk Pôl mơ̆t tơ kơđông sư.

Jang 21:34 Iomraidhean Croise

Jang 19:32

Lăm hnam đe ei đe pơma đơđơu đơđao mao. Đei lu mơ'nah pơma re tơdrong 'nâu, lu mơ'nah tơdrong nai, yua kơ lu sư ưh kơ băt akŭm tơdrong kiơ.

Jang 21:37

Lăp lu linh wă tơmơ̆t sư lăm kơđông, na Pôl jet 'bok tih linh ei thoi âu: “Inh hăm gơh pơma dơnuh păng ih ưh, 'bok?” Na 'bok tih linh khan kơ sư: “Ô ih kư̆m gơh pơma nơ̆r Grĕk hă?

Jang 22:24

Na 'bok tih linh athei lu linh sư tơmơ̆t Pôl lăm kơđông. 'Bok tih linh athei lu linh sư teh Pôl wă kơ sư jah roi mă tơpăt kơlih kơ 'bok tih linh ưh tam băt tơdrong kiơ lu bơngai tơpôl lơ areh kơ sư.

Jang 22:30

'Bok tih linh wă kơ băt kơnăl tơpă tơdrong kiơ lu bơngai Juđê jâu areh kơ Pôl, na năr dơning dơ̆ng sư krao akŭm lu 'bok soi tih păng đĭ-đăng lu kră sek tơlang. Sư athei lu linh yaih tơlei glang mam đêl chô̆ sư na anhăk sư dơ̆ng 'bơ̆t anăp lu kră sek tơlang.

Jang 23:10

Lu kră sek tơlang ei pơjah dih băl rai pran truh kơ 'bok tih linh hli kơ lu kră sek tơlang wă pơjĭ Pôl dêh. Na sư athei lu linh sư năm tơ tŏk-bŏk đe wă dui iŏk Pôl đơ̆ng tŏk-bŏk bơngai tơpôl ei wă anhăk Pôl tơ kơđông.

Jang 23:16

Mon Pôl kơtơ̆ng thoi noh na mon Pôl kơdâu mơ̆t tơ kơđông linh, roi hloi kơ Pôl.

Jang 23:32

Năr dơning dơ̆ng lu bơngai linh mă năm jơ̆ng hoh, lu sư brŏk tơ kơđông lu sư tơ lăm Pơlei Jêrusalem. Na lu bơngai linh hao aseh chông ba Pôl.

Jang 25:26

Inh kư̆m wă chih tơ'bôh kơ 'bok pơtao tơm Rôm hla kơthơ mơ̆n, mă-lei inh ưh kơ băt chih khan kơ sư Pôl pơm tơdrong kơnê̆ kiơ. Ơ pơtao Agripa, inh athei lu linh chông ba sư tơ âu 'bơ̆t anăp ih, hăm 'bơ̆t anăp đĭ-đăng lu bơ̆n mơ̆n, wă kơ bơ̆n apinh pơma gah tơdrong sư, na ăn kơ bơ̆n wă mă băt gah lu đe wă jâu sư tơdrong kiơ.