Jang 21:33 - Sơ̆p Hlabơar Nơ̆r 'Bok Kei-Dei

³³ 'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Jang 21:33 Iomraidhean Croise

Jang 12:6

Na truh măng ei tơ lăm hnam phak noh đe oei chô̆ Pêtrôs păng tơlei glang mam 'bar dăng. Sư oei tep đei linh gak, minh 'nu gah 'ma minh 'nu gah 'ngiĕo. Tơ 'măng hnam ei kư̆m đei linh gak mơ̆n. Pơtao Hêrôt athei lu linh gô pơgê dơning tơlĕch sư yua kơ 'bok pơtao wă pơlôch sư boih.

Jang 20:23

Tơ rim pơlei Yang Bơhngol 'Lơ̆ng pơma kơ inh khan lăp inh truh tơ Pơlei Jêrusalem inh gô đei tơdrong pơmat đe rôp tah inh tơ hnam phak.

Jang 21:11

Abus sư năm hơpong tơ nhôn hăm hloch iŏk tơlei tơ̆n Pôl chô̆ hloi jơ̆ng ti sư kơdih. Sư khan: “Yang Bơhngol 'Lơ̆ng tơbăt kơ inh thoi âu: ‘Thoi inh chô̆ jơ̆ng ti inh kơdih âu, lu bơngai Juđê tơ Pơlei Jêrusalem gô chô̆ jơ̆ng ti ih hăm jao ih tơ bơngai nai dêh đe tơmoi.’ ”

Jang 22:29

Na lu linh mă chô̆ Pôl hăm wă teh sư ei, lu sư weh ataih đơ̆ng Pôl. 'Bok tih linh băt kơ sư bơngai Rôm boih sư kư̆m hli lei-lăi thoi lu 'noh mơ̆n kơlih kơ sư athei lu linh chô̆ Pôl wă teh sư hei.

Jang 22:30

'Bok tih linh wă kơ băt kơnăl tơpă tơdrong kiơ lu bơngai Juđê jâu areh kơ Pôl, na năr dơning dơ̆ng sư krao akŭm lu 'bok soi tih păng đĭ-đăng lu kră sek tơlang. Sư athei lu linh yaih tơlei glang mam đêl chô̆ sư na anhăk sư dơ̆ng 'bơ̆t anăp lu kră sek tơlang.

Jang 25:16

Mă-lei inh khan kơ sư lu bơngai Rôm ưh kơ pơm thoi noh ôh. Tơdah jâu bơngai bu, đe athei jâu bơngai ei 'bơ̆t anăp sư hloi hăm ăn kơ sư pơma dih băl. Tơdah tam mă pơma pơjăng dih băl, ưh kơ gơh phak sư ôh.

Jang 26:29

Pôl khan: “Tơdah ih lui kơ Yêsu Krist hloi dang ei, dah ning-mônh dơ̆ng, kư̆m bưh. Mă-lei inh krao khan kơ 'Bok Kei-Dei apinh Sư tơgŭm ih, ơ 'bok pơtao păng đĭ-đăng iĕm mă mơ̆ng inh bơtho năr âu, wă kơ iĕm jing bơngai lui kơ Yêsu kư̆m lei-lăi thoi inh mơ̆n. Mă-lei inh ưh kơ wă đe chô̆ iĕm hăm tơlei glang mam thoi lĕ kơ đe chô̆ inh âu ôh.”

Jang 28:20

Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Êphêsô 6:20

Sư wơh inh năm bơtho kơ đĭ-đăng bơngai. Yua kơ thoi noh na đe areh kơ inh oei chô̆ inh dang ei. Mă-lei inh wă kơ iĕm krao khan tơgŭm inh, wă kơ inh nuih oei bơtho khŏm khŏm kiơ̆ thoi Sư lăp đon.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Lu 15:13

Lu sư tơl: Ưh ôh, lu nhôn lăp chô̆ ih, năm ba ih tơ lu sư đĕch, nhôn ưh kơ wă pơlôch ih ôh. Thoi noh lu sư chô̆ Samsơn hăm tơlei giĕn 'nao kŭi 'bar dăng păng dui hơtŏk sư đơ̆ng lăm hơgơp tơmo.

Lu 16:12

Thoi noh Đelila iŏk tơlei giĕn 'nao kŭi tam đei bu yua chô̆ Samsơn sư krao: Ơ Samsơn, lu bơngai Philistin wă blah rôp ih! Kơplah 'noh đei lu bơngai răp lăm anih noh, mă-lei sư tơdrŏ tơlei 'noh kơtĕch đĭ đơ̆ng ti sư nhen thoi brai.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

Lu 16:8

Thoi noh lu yŏng pơgơ̆r Philistin chĕp ba ăn kơ Đelila tơpơh dăng tơlei wă pơm dơhiĕng hră oei hơdrih, na drŏ-kăn ei chô̆ Samsơn.