Jang 21:32 - Sơ̆p Hlabơar Nơ̆r 'Bok Kei-Dei

³² Na 'bok tih linh ei krao hloi 'bok phŏ iĕ 'biơ̆ kơ sư păng lu linh sư mơ̆n năm tơkan hloi tơ lu đe tơpôl lơ ei. Lăp lu kon pơlei pơla 'bôh 'bok tih linh păng lu linh sư, na lu kon pơlei pơla huay pă teh Pôl dơ̆ng.

Jang 21:32 Iomraidhean Croise

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Yo 18:12

Thoi noh lu linh Rôm păng minh 'nu 'bok sêp lu sư, hăm lu linh Juđê mă gak hnam akŭm tơm, lu sư rôp chô̆ Yêsu.

Jang 18:17

Lu kon pơlei pơla ưh kơ khŭl Juđê rôp minh 'nu lăm khŭl Juđê ei anăn sư Sôten. Sư kră hnam akŭm bơngai Juđê. Lu sư teh hloi Sôten 'bơ̆t anăp lu kră sek tơlang. Na Galiôn sư ưh kơ tang găn ôh.

Jang 22:19

Inh khan kơ Sư: ‘Ơ Kră Yang, inh tơchĕng lu sư kư̆m wă lui mơ̆n yua kơ lu sư băt boih kơ inh năm jơ̆p-jang tơ lu hnam akŭm sơ̆ rôp tah lu bơngai lui kơ Ih lăm hnam phak hăm teh lu sư.

Jang 23:27

Lu bơngai Juđê rôp bơngai âu na wă jê̆ pơlôch sư ră mă-lei inh kơtơ̆ng đe khan sư bơngai Rôm na inh hăm lu linh inh tơdŏng sư.

Jang 24:6

Sư kư̆m wă pơm kơnê̆ ră kơ hnam akŭm 'Bok Kei-Dei tơm, mă-lei nhôn rôp sư. Nhôn wă sek tơlang sư kiơ̆ kơ tơdrong juăt nhôn kơdih ră;

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.