Jang 21:16 - Sơ̆p Hlabơar Nơ̆r 'Bok Kei-Dei

¹⁶ Kư̆m đei lu bơngai lui đơ̆ng Pơlei Sêsarê năm hơdai hăm nhôn mơ̆n. Lu sư wă năm ba nhôn tơ hnam Masôn. Masôn sư bơngai đơ̆ng dêh char Chiprơ, lui kơ Kră Yang Yêsu đơ̆ng hơdrol sơ̆ hloi. Nhôn wă năm oei tơ hnam sư.

Jang 21:16 Iomraidhean Croise

Horiso 92:14

Mă khan truh tơ kră, lu sư oei đei pơkao plei. Sư jing păng hơdrih ling-lang,

Tơdrông Pơđơk 16:31

Sŏk ko jing môk ư-ang, 'Bôh đơ̆ng tơdrong jang sư tơpăt na gơh đei.

Jang 10:24

Năr dơmônh dơ̆ng lu sư truh tơ Pơlei Sêsarê. Kôrnei chang gô lu sư. Sư kư̆m krao akŭm lu kơtum păng lu bôl buăl sư mơ̆n.

Jang 10:48

Đơ̆ng noh na Pêtrôs athei lu sư iŏk 'batem hăm anăn Yêsu Krist. Klaih kơ noh lu đe Kôrnei apinh Pêtrôs oei hăm sư 'bar pêng năr dơ̆ng.

Jang 11:19

Lăp đe pơlôch Êtien đe kư̆m pơm lơ tơdrong kơnê̆ kơ lu bơngai lui mơ̆n. Na lu bơngai lui kư̆m jăk truh tơ dêh Phênisi, dêh Chiprơ păng Pơlei Antiôs mơ̆n păng bơtho Tơdrong 'Nao 'Lơ̆ng kơ bơngai Juđê ngăl.

Jang 15:39

Na bre Pôl păng 'Barna'ba pơjah pơjăng tơdrong noh khŏm khŏm na truh tơ bre sư tơklah dih băl. Đơ̆ng noh na 'Barna'ba anhăk Markôs tŏk thŏng-nan năm tơ dêh char Chiprơ.

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 21:8

Năr dơning dơ̆ng nhôn tŏk thŏng-nan năm đơ̆ng Pơlei Pôtôlêmơs truh tơ Pơlei Sêsarê. Nhôn jur đơ̆ng thŏng-nan năm tơ hnam Philip bơngai bơtho Tơdrong 'Nao 'Lơ̆ng Yêsu Krist. Nhôn oei hơdai hăm sư. Sư lăm tơpơh 'nu bơngai mă lu bơngai lui rơih đơ̆ng Pơlei Jêrusalem sơ̆ wă wei-lăng lu bơngai asong tơmam kơ đe.

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Jang 8:40

Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

Phil 1:9

Kơlih inh băt kơ ih đei đon 'mêm mơnat kơ bôl buăl boih na inh roi kơ ih thoi noh đĕch. Mă-lei ih băt kơ inh kră boih păng inh oei lăm hnam phak yua kơ inh lui kơ Kră Yang Yêsu.