Jang 21:15 - Sơ̆p Hlabơar Nơ̆r 'Bok Kei-Dei

¹⁵ Klaih kơ noh nhôn hơmet tơmam năm tơ Pơlei Jêrusalem.

Jang 21:15 Iomraidhean Croise

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 21:12

Nhôn păng pơlei ei kơtơ̆ng Abus pơma thoi noh na nhôn khan kơ Pôl: “Nhôn găn ih ưh kơ ăn ih năm tơ Pơlei Jêrusalem ôh.”

Jang 25:1

Pêng năr đơ̆ng rŏng kơ Phêtus truh tơ dêh char ei wă pơm kuan tih, sư năm đơ̆ng Pơlei Sêsarê truh tơ Pơlei Jêrusalem.

Jang 25:6

Phêtus oei tơ Pơlei Jêrusalem oei pă tơsĭn mơjĭt năr dơ̆ng. Klaih kơ noh sư brŏk tơ Pơlei Sêsarê dơ̆ng. Lu kră bơngai Juđê kư̆m kiơ̆ sư mơ̆n. Na năr dơning lu sư mơ̆t tơ hnam sek tơlang tơ Pơlei Sêsarê, na Phêtus athei lu linh chông ba Pôl mơ̆t tơ lăm hnam sek tơlang ei.

Jang 25:9

Na Phêtus wă kơ lu bơngai Juđê lăp đon kơ sư na sư jet Pôl: “Ih hăm wă năm tơ Pơlei Jêrusalem na inh sek tơlang ih tơ ei gah lu tơdrong sư jâu ih hei?”