Biblia Todo Logo
Bìoball air-loidhne

- Sanasan -




Jang 21:13 - Sơ̆p Hlabơar Nơ̆r 'Bok Kei-Dei

13 Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Faic an caibideil Dèan lethbhreac




Jang 21:13
25 Iomraidhean Croise  

Na pêng 'nu bơngai 'nâu năm mơ̆t tơpăt kơđông linh Philistin sŏ iŏk đak đơ̆ng lăm sơlŭng jê̆ 'măng jang pơlei Betlehem, chĕp ba ăn kơ Đawit nhă mă-lei sư ưh kơ wă nhă, sư tuh hloi đak 'noh 'bơ̆t anăp Kră Yang,


Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.


Nơ̆r Kră Yang khan kơ Jêrêmi, đơ̆ng rŏng kơ Nebusaradan yŏng lu linh gak pơtao tơlĕch sư tơ pơlei Rama; kơplah noh, Jêrêmi đe oei chô̆ sư păng glang hơdai hăm lu kon pơlei đơ̆ng Jêrusalem păng char Juđa, rok trong đe chông ba năm tơ char Babilôn.


“Lu iĕm tơchĕng nơ̆r âu pơđơ̆k kơ teh đak Isơrael wă khan kiơ? ‘Chăl 'bă sư sa plei hơmu iŭ, chăl kon hơker hơnĕnh,’


'Bok yŏng tơ'ngla duk noh năm tơ sư păng râu sư khan: Ơ bơngai oei tep noh, pơm kiơ thoi noh? Iung bĕ! Krao khan apinh yang ih bĕ! Wă kơ Yang ih 'blŏk kơ bơ̆n, na lu bơ̆n huay kơ lôch.


Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.


Đĭ-đăng lu sư nhơ̆m hmoi, chŭm tơkuăr Pôl hloi.


Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.


Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”


Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.


Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.


Na dang ei inh tơchĕng trŏ kơ ăn kơ sư brŏk, yua kơ sư kư̆m rơnguơ̆ kơ iĕm boih. Păng sư nŏng kơ tơchĕng kơ iĕm, hli kơ iĕm ngêh kơ sư oei jĭ thoi ki.


Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.


Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.


Gah inh arih ưh pă nhoi boih. Đe wă jê̆ pơlôch inh boih, pham inh thoi lĕ kơ pham tơmam đe wă soi sơmah, na dang ei inh wă tơklah đơ̆ng iĕm boih.


yua kơ tơdrong arih inh ưh pă đunh boih kiơ̆ thoi Yêsu Krist akhan kơ inh.


Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.


Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.


Êlkana klo sư khan kơ sư, ơ Hana, yua kơ kiơ ih nhơ̆m? Hăm yua kơ kiơ ih ưh kơ sŏng sa? Yua kơ kiơ jơhngơ̆m ih sơ'ngon? Liơ ih đei inh bơih ưh kơ gĭt hloh kơ đei mơjĭt 'nu kon drŏ-nglo hă?


Samuel jet sư: Thoi noh na triu bơbe hmoi krao ôr kơtơ̆ng truh tơ đon inh, hăm inh kơtơ̆ng rơmo hmoi, noh kiơ?


Lean sinn:

Sanasan


Sanasan