Jang 20:9 - Sơ̆p Hlabơar Nơ̆r 'Bok Kei-Dei

⁹ Lăm nhôn akŭm ei đei minh 'nu bơngai tơdăm, anăn sư Ơtik, sư tơoei 'bơ̆t 'măng-'mŏk. Hơtai Pôl oei bơtho khŏm khŏm na bơngai tơdăm ei sư pă kĕ kral boih na sư kơkôi khŏm khŏm jing tep hiơt hloi tơpă. Na sư huŏng đơ̆ng hnam ei tơ teh, đơ̆ng hnam anih pêng tơ̆ng tơ kơpal ti. Lu bơngai ei thar jur tơiung hloi sư ră, mă-lei sư lôch hloi boih.

Jang 20:9 Iomraidhean Croise

I Pot 17:19

Êli tơl sư: “Ăn kon ih tơ âu,” Êli glơng iŏk đơ̆ng ti mĕ sư tŏk tơ anih sư 'bĭch tơ kơpal, tơ'bĭch sư kơpal giơng.

Markôs 13:36

Na iĕm athei kơchăng mă tơpă hli kơ tơ'ngla hnam iĕm truh kơplah iĕm ưh kơ lêng ê kơplah iĕm oei tep.

Markôs 9:26

Yang kơnê̆ hmoi pơret pơm kơ sư pơtơ̆l, na lĕch jăk hloi đơ̆ng akâu bơngai 'lơ̆p ei. Na bơngai 'lơ̆p ei đe lăng sư nhen lôch na đĭ-đăng kơ đe khan: “'Noh sư lôch boih.”

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 20:10

Mă Pôl kư̆m hơdai wang jur đơ̆ng hnam ei thar năm tơ bơngai tơdăm ei, brom 'bơ̆t klak sư hăm krôp sư, khan hloi kơ lu bơngai lui: “Iĕm 'nĕ kơ hli, Kră Yang 'Bok Kei-Dei ăn kơ sư arih dơ̆ng.”

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Jang 20:8

Nhôn akŭm tơ anih hnam gah kơpal. Lăm ei đei ŭnh kơđeng lơ.