Jang 20:4 - Sơ̆p Hlabơar Nơ̆r 'Bok Kei-Dei

⁴ Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 20:4 Iomraidhean Croise

Jang 14:20

Na đơ̆ng noh lu bơngai lui năm truh tơ ei oei lăng tăp dăr kơ Pôl. Pôl sư iung hloi năm mơ̆t tơ pơlei dơ̆ng. Năr dơning bre Pôl păng 'Barna'ba năm tơ Pơlei Dibơ.

Jang 14:6

Lăp bre sư kơtơ̆ng tơdrong noh, bre sư kơdâu jăk tơ dêh char Likanê. Tơ ei bre sư chă bơtho Tơdrong 'Nao 'Lơ̆ng tơ Pơlei Litrơ, Pơlei Dibơ păng lu pơlei tơring kiơ̆ ei mơ̆n.

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 17:1

Bre Pôl păng Silas năm drong tơ Pơlei Amphi păng Pơlei Apơlê, na truh tơ Pơlei Têsalônik. Tơ ei đei hnam akŭm đe Juđê.

Jang 17:13

Lu bơngai Juđê đơ̆ng Pơlei Têsalônik kơtơ̆ng ang tơdrong Pôl bơtho tơdrong 'Bok Kei-Dei tơ Pơlei Bêrê, na lu sư năm tơ ei pơhlŭ lu kon pơlei pơla wă pơm kơnê̆ kơ bre sư.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 2:9

Bơ̆n phŏ phŏ đei bôl mơ'nah đơ̆ng dêh char Parthê, mơ'nah đơ̆ng dêh char Mêđơ, mơ'nah đơ̆ng dêh char Êlam, mơ'nah đơ̆ng dêh char Mesôpôtôme, mơ'nah đơ̆ng dêh char Juđê; kư̆m đei mơ'nah đơ̆ng Kapadôs, kư̆m đei mơ'nah đơ̆ng dêh char Pôntơ, kư̆m đei dơ̆ng mơ'nah đơ̆ng dêh char Asi.

Jang 20:16

Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 20:18

Lăp lu sư truh tơ Pơlei Milê boih Pôl khan kơ lu sư: “Iĕm băt kơ inh bơngai thoi yơ đơ̆ng inh 'nao truh tơ dêh char Asi sơ̆ mă khơ̆ tơ bơ̆n tơklah dih băl.

Jang 21:29

Lu sư pơma thoi noh yua kơ hơdrol lu sư 'bôh Trôphĭm, bơngai tơmoi đơ̆ng Pơlei Êphêsô năm hơdai păng Pôl lăm Pơlei Jêrusalem ei, na lu sư ngêh kơ Pôl anhăk Trôphĭm mơ̆t lăm hnam akŭm 'Bok Kei-Dei tơm.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Rom 16:21

Timôthê, sư bơngai jang hơdai inh, sư kư̆m đei nơ̆r jet gia iĕm mơ̆n. Na lu đe âu dơ̆ng kư̆m lei-lăi: Lusiu, Jason, Sôssi, lu sư 'nhŏng oh inh ngăl kư̆m hơdai jet gia iĕm mơ̆n.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 1:19

Yêsu Krist Kon 'Bok Kei-Dei, mă nhôn đe Silas, Timôthê năm bơtho tơ tŏk-bŏk iĕm sơ̆, Sư pơkă wă tơgŭm bơ̆n ưh kơ sĭ phŏ 'blep phŏ ưh. Ưh ôh. Sư pơkă ling-lang 'blep ngăl.

Êphêsô 6:21

'Bok mă chĕp ăn kơ iĕm hla kơthơ âu anăn sư Tisĭk, sư 'nhŏng oh bơngai lui bơ̆n. Bơ̆n 'mêm kơ sư mơ̆n yua kơ bơ̆n 'bôh sư adrin jang tơdrong Kră Yang Yêsu Krist tơpă. Na sư gô tơbăt ăn kơ iĕm tôm tơdrong inh oei 'lơ̆ng akâu hăm inh jang tơdrong 'Bok Kei-Dei thoi yơ dang ei na iĕm gô băt.

Philip 2:19

Tơ̆ng Kră Yang Yêsu wă, pă đunh boih inh wă wơh Timôthê năm tơ iĕm wă kơ inh băt kơ iĕm dang ei thoi yơ. Thoi noh na iĕm kư̆m hiôk, inh kư̆m hiôk.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

Kôlôsê 4:7

Tisĭk truh tơ iĕm, sư gô roi ăn kơ iĕm tôm tơdrong inh dang ei thoi yơ. Sư 'nhŏng oh lu bơ̆n bơngai lui, bơ̆n 'mêm kơ sư tơpă, yua kơ sư adrin jang tơdrong Yŏng bơ̆n Yêsu Krist thoi inh.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

II Tim 4:12

Tisĭk inh wơh sư năm tơ Pơlei Êphêsô boih.

II Tim 4:20

Êrat oei tơ Pơlei Kôrintô. Trôphĭm năm păng inh truh tơ Pơlei Milê đĕch yua kơ sư jĭ.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.

III Yo 1:1

Inh kră wei-lăng bơngai lui chih kơthơ âu. Hmach kơ ih, Guơs. Inh 'mêm kơ ih tơpă kơlih kơ ih bơngai lui 'lơ̆ng.