Jang 20:35 - Sơ̆p Hlabơar Nơ̆r 'Bok Kei-Dei

³⁵ Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Jang 20:35 Iomraidhean Croise

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Jang 20:34

Iĕm kư̆m băt mơ̆n inh bơ̆jang păng ti đĕch wă 'me sa akâu inh kơdih hăm lu bôl buăl inh mơ̆n.

Jang 20:36

Hlôi Pôl pơma đang boih, Pôl păng đĭ-đăng lu sư sơtơ̆p kŭl-tăng, na Pôl krao khan kơ Kră Yang 'Bok Kei-Dei.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

II Kor 11:12

Lu bơngai noh wă kơ nhôn iŏk sa jên iĕm thoi lu sư, wă kơ lu sư gơh pơang khan lu sư jang lei-lăi thoi nhôn, mă-lei nhôn ưh kơ đei layơ wă iŏk sa jên iĕm ôh.

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

II Kor 12:13

Tơdrong jang inh oei tơ iĕm kư̆m lei-lăi thoi inh jang tơ anih nai; pôm tơdrong 'me sa inh đĕch, inh kuă kơ pơgleh iĕm athei iĕm 'me inh, mă-lei iĕm 'nĕ kơ jô̆ yo.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

I Tes 4:11

Iĕm 'nĕ pơm thoi bơngai nơng nơ̆k nơ̆k tu, nơ̆k nơ̆k bơbah nŏng kơ chă pơhrơ đe jang. Na iĕm athei kơchăng tơdrong jang wă kơ 'me sa kơdih hnam dơnŏ. Nhôn kư̆m bơtho iĕm thoi noh mơ̆n ki.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

III Yo 1:7

Lu sư năm bơtho tơdrong Yêsu Krist lu sư ưh kơ đei sa jên đơ̆ng lu bơngai mă ưh kơ lui ôh.