Jang 20:33 - Sơ̆p Hlabơar Nơ̆r 'Bok Kei-Dei

³³ Inh ưh kơ 'nhĕng jên đe dah hơbĕn ao đe ôh.

Jang 20:33 Iomraidhean Croise

Jo 16:15

Môis blĕk dêh krao apinh Kră Yang thoi âu: Ih lê̆ pă iŏk dôm tơmam lu sư pơyơ̆r; inh ưh kơ đei rôp iŏk minh pôm kon aseh iĕ đơ̆ng lu sư ôh păng inh kư̆m ưh kơ đei pơrăm bu lăm lu sư.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

I Kor 9:15

Mă-lei gah inh đơ̆ng sơ̆ ưh kơ ăn iĕm 'me inh ôh. Mă inh chih kơ iĕm kơthơ âu ưh kơ sĭ inh wă iĕm 'me inh ôh. Inh lôch kơ rơwĕt kư̆m bưh, inh ưh kơ layơ wă kơ đe 'me inh. Inh pôm wă kơ đe băt kơ inh gơh jang sa 'me akâu kơdih khŏm khŏm đĕch.

I Kor 9:18

Na iĕm hăm băt inh gô đei tơdrong apah kiơ? Inh jang bơtho tơdrong 'nao 'lơ̆ng Sư mă-lei kuă kơ iŏk sa jên đơ̆ng đe apah, dah inh iŏk trŏ ră mơ̆n. Tơdrong apah inh wă khan tơdrong inh hiôk lăm jơhngơ̆m gơh bơtho đe, đe huay kơ kăl kơ 'me sa inh.

I Kor 9:4

Nhi 'Barna'ba bơngai jang tơdrong 'Bok Kei-Dei ưh kơ gơh apinh tơmam sa iĕm ôh hă?

II Kor 11:7

Kơplah inh bơtho iĕm tơdrong 'nao 'lơ̆ng 'Bok Kei-Dei sơ̆, inh iŏk đon ala kơ đe ưh kơ wă iŏk sa tơmam iĕm apah; inh jang sa kơdih bơtho rah iĕm wă kơ iĕm hiôk chơt. Đe ưh kơ hiôk kơ inh tơdrong noh hă na đe pơjăm inh ei?

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

II Kor 7:2

Nhôn kư̆m wă kơ iĕm 'mêm kơ nhôn, yua kơ nhôn ưh kơ đei pơm kơnê̆ kơ bu ôh, ưh kơ đei pơrăm pơyoch bu ôh, ưh kơ đei hơlĕnh pơdăr sa tơmam bu ôh.

I Tes 2:5

Iĕm kư̆m băt mơ̆n nhôn năm tơ iĕm ki nhôn bơtho kiơ̆ tơdrong tơpăt. Nhôn năm tơ iĕm ưh kơ sĭ nhôn wă pơlung iŏk jên iĕm ôh. 'Bok Kei-Dei kư̆m băt kơ nhôn ưh kơ pơm thoi noh mơ̆n. Nhôn năm tơ iĕm wă bơtho iĕm tơdrong 'nao 'lơ̆ng Sư đĕch.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

III Yo 1:7

Lu sư năm bơtho tơdrong Yêsu Krist lu sư ưh kơ đei sa jên đơ̆ng lu bơngai mă ưh kơ lui ôh.