Jang 20:29 - Sơ̆p Hlabơar Nơ̆r 'Bok Kei-Dei

²⁹ Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

Jang 20:29 Iomraidhean Croise

Je 13:20

Ngơk lăng bĕ; lu bơngai mă truh đơ̆ng gah yă-nơ̆m to. Khŭl triu mă Inh ăn boih kơ ih, đĭ-đăng khŭl triu mă ih pơư tơ yơ boih.

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 34:8

Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Da 11:34

Kơplah lu sư pơ̆k huŏng, kư̆m đei mơ'nah gơh klaih; mă-lei gô đei lơ bơngai pơma hơlĕnh khan kiơ̆ lu sư.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Luka 10:3

Dang ei Inh wơh iĕm năm chă bơtho đe, na iĕm athei kơchăng hŏ, yua kơ dang lĕ wơh kon triu năm tơ kŏ-so.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Yo 10:12

Gah bơngai wei triu mă ưh kơ tơ'ngla triu ei, sư bơngai jang đĕch; bơngai 'noh lăp sư 'bôh kŏ-so truh sư achăng lê̆ triu ei, na akâu sư jăk hloi tơ nai. Lu triu ei mơ'nah kŏ-so rôp, mơ'nah jăk tơklah tơklang.

Yo 21:15

Lu sư achăng sa boih na Yêsu jet Simôn Pêtrôs thoi âu: “Ơ Simôn kon Yôhan, ih hăm 'mêm kơ Inh hloh kơ lu buăl ih âu 'mêm kơ Inh?” Pêtrôs drơ̆ng: “Ơ Kră Yang, Ih băt mơ̆n inh 'mêm kơ Ih.” Yêsu khan kơ sư: “Lei ih rong kon triu Inh.”

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Ju 1:18

Lu sư khan: “Khei 'năr wă tôch ning-mônh, đei lơ bơngai che bơle kơ tơdrong lui bơ̆n; lu sư kiơ̆ kơ jơhngơ̆m lu sư kơdih 'maih pơm tơdrong kư̆ kă na lu sư che bơle.”