Jang 20:23 - Sơ̆p Hlabơar Nơ̆r 'Bok Kei-Dei

²³ Tơ rim pơlei Yang Bơhngol 'Lơ̆ng pơma kơ inh khan lăp inh truh tơ Pơlei Jêrusalem inh gô đei tơdrong pơmat đe rôp tah inh tơ hnam phak.

Jang 20:23 Iomraidhean Croise

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:11

Abus sư năm hơpong tơ nhôn hăm hloch iŏk tơlei tơ̆n Pôl chô̆ hloi jơ̆ng ti sư kơdih. Sư khan: “Yang Bơhngol 'Lơ̆ng tơbăt kơ inh thoi âu: ‘Thoi inh chô̆ jơ̆ng ti inh kơdih âu, lu bơngai Juđê tơ Pơlei Jêrusalem gô chô̆ jơ̆ng ti ih hăm jao ih tơ bơngai nai dêh đe tơmoi.’ ”

Jang 21:33

'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Jang 21:4

Tơ ei nhôn chă lu bơngai lui na nhôn oei păng lu sư minh 'măng giĕng. Yang Bơhngol 'Lơ̆ng tơbăt ăn kơ lu sư Pôl gô đei tơdrong pơmat na lu sư pơma khă Pôl athei lê̆ kơ năm tơ Pơlei Jêrusalem.

Jang 8:29

Na Yang Bơhngol 'Lơ̆ng khan kơ Philip: “Năm bĕ ih, yak hơdai păng bơngai hao gre aseh noh.”

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

I Tes 3:3

Iĕm đei tơdrong gleh pơmat-tat đe areh kơ iĕm, na kơplah noh ki inh wơh Timôthê năm bơtho iĕm, wă kơ iĕm huay kơ achăng lê̆ tơdrong lui bơ̆n. Iĕm băt boih dôm lu bơ̆n bơngai lui gô đei tơdrong pơmat-tat đe areh kơ bơ̆n.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.