Jang 2:9 - Sơ̆p Hlabơar Nơ̆r 'Bok Kei-Dei

⁹ Bơ̆n phŏ phŏ đei bôl mơ'nah đơ̆ng dêh char Parthê, mơ'nah đơ̆ng dêh char Mêđơ, mơ'nah đơ̆ng dêh char Êlam, mơ'nah đơ̆ng dêh char Mesôpôtôme, mơ'nah đơ̆ng dêh char Juđê; kư̆m đei mơ'nah đơ̆ng Kapadôs, kư̆m đei mơ'nah đơ̆ng dêh char Pôntơ, kư̆m đei dơ̆ng mơ'nah đơ̆ng dêh char Asi.

Jang 2:9 Iomraidhean Croise

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

Bl 14:1

Lăm chăl Amraphel, pơtao Sinar; Ariok pơtao Êlasar; Kêtrôlaôme, pơtao Êlam; păng Tidal, pơtao Gôim,a

Bl 24:10

Đơ̆ng noh, đam sư rôp mơjĭt tŏ aseh lăk-đa yŏng tơ'ngla sư păng chĕp ba dôm tơmam đơ̆ng yŏng tơ'ngla sư, jao ăn, na iung yak tơ char Mesôpôtami truh tơ pơlei Nahôr,

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

I Ho 19:6

Lu bơngai Ammôn băt tơdrong sư pơm ăn kơ Đawit 'bâu chhok. Hanun păng lu bơngai Ammôn gơih minh-rơbâu talâng jên hu wă apah gre aseh păng lu linh hao gre aseh đơ̆ng char Aram Naharaim, Aram Maaka, đơ̆ng char Sôba.

Esơra 6:2

Đe chă 'bôh tơ lăm hnam pơtao tơ pơlei Ekbatana tơ lăm tơring Mêđi, đei minh sơ̆p hla bơar so sơ̆ đei 'măn lê̆ đei chih thoi âu:

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Da 8:2

Thoi âu, lăm tơdrong đei 'bôh tơ'bôh kơ inh noh; inh 'bôh akâu inh oei lăm hnam pơtao Susơ, tơring Êlam; păng inh oei cheng glung Ulai.

Da 8:20

Triu tơno mă ih đei 'bôh, đei 'bar tŏ hơke, noh bre pơtao Mêdi păng pơtao Pherơsơ.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 19:10

Kơplah 'bar sơnăm sư bơtho tơ hnam trưng ei, na đĭ-đăng bơngai oei tơ dêh char Asi mă bơngai Juđê mă lu bơngai nai, kư̆m kơtơ̆ng tơdrong Kră Yang Yêsu mơ̆n.

Jang 19:27

Na bơ̆n athei kơchăng hli kơ đe jô̆ kơ tơdrong jang bơ̆n ưh kơ 'lơ̆ng păng hnam kơkuh kơ yang Dian bơ̆n, yang tih tơpă ră, kơnh đe khan jing ưh kơ gĭt. Dang ei đĭ-đăng bơngai dêh char Asi păng jơ̆p kơ teh đak lui kơkuh kơ yang Dian, yang tih tơpă. Na ning-mônh hli kơ đe ưh pă ư-ang kơ yang Dian bơ̆n dơ̆ng.”

Jang 19:31

Kư̆m đei 'bar pêng 'nu kră pơgơ̆r dêh char Asi buăl juăt Pôl. Lu sư pơtruh kơ Pôl khan: “Ih 'nĕ kơ mơ̆t lăm hnam akŭm đe noh.”

Jang 2:8

Mă-lei lơliơ bơ̆n mơ̆ng sư pơma thoi pơma nơ̆r bơ̆n kơdih?

Jang 20:16

Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 20:18

Lăp lu sư truh tơ Pơlei Milê boih Pôl khan kơ lu sư: “Iĕm băt kơ inh bơngai thoi yơ đơ̆ng inh 'nao truh tơ dêh char Asi sơ̆ mă khơ̆ tơ bơ̆n tơklah dih băl.

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 21:27

Lăp wă jê̆ tôm tơpơh năr giĕng ei boih, lu bơngai Juđê đơ̆ng dêh char Asi 'bôh Pôl lăm hnam akŭm 'Bok Kei-Dei tơm. Lu sư pơhlŭ lu kon pơlei pơla tơ ei hơdai hil kơ Pôl, na rôp Pôl hloi.

Jang 24:18

Inh năm tơ hnam akŭm 'Bok Kei-Dei tơm pơm kiơ̆ tơdrong juăt Môis wă kơ rơgoh hăm wă pơyơ̆r ăn kơ Kră Yang tơmam. Hơtai ei đei lu bơngai Juđê đơ̆ng dêh char Asi 'bôh inh lăm ei. Mă-lei ưh kơ đei bơngai lơ hơdai hăm inh ôh, kư̆m ưh kơ đei tơdrong areh dih băl.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Rom 16:5

Inh kư̆m đei nơ̆r jet gia lu bơngai mă juăt kơ akŭm tơ hnam bre sư. Inh kư̆m đei nơ̆r jet gia Êpanet, inh 'mêm kơ sư tơpă. Lăm dêh Asi sư boih lui kơ Yêsu Krist hơdrol kơ đe.

I Kor 16:19

Lu khŭl lui kơ 'Bok Kei-Dei tơ dêh Asi đei nơ̆r jet gia iĕm. 'Bok Akila, yă Prisil păng đĭ dôm lu bơngai lui juăt kơ akŭm tơ hnam bre sư kư̆m đei nơ̆r jet gia iĕm mơ̆n yua kơ bơ̆n minh khŭl bơngai lui kơ Kră Yang.

II Kor 1:8

Ơ 'nhŏng oh, nhôn wă roi tơbăt ăn kơ iĕm gah tơdrong đe pơmat nhôn tơ dêh Asi. Nhôn pŭ pơmat trăp dêh, nhôn pă ngêh kơ arih boih.

Both 23:4

Yua kơ kơplah lu iĕm lĕch hlôi đơ̆ng dêh Êyiptơ, lu sư ưh kơ năm ba 'bĕng tơmam sa păng đak nhă sơng iŏk lu iĕm mă rai krao apah Balaam kon drŏ-nglo Bêôr oei tơ pơlei Pêthôr char Aram Naharaim, a năm hiap lu iĕm.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

I Pet 1:1

Inh Pêtrôs jơ̆ng 'bang Yêsu Krist chih hơpong kơ lu kon 'Bok Kei-Dei mă oei tơklah jơ̆p kơ dêh tơmoi: Tơ dêh Pôntơ, dêh Galati, dêh Kapadôs, dêh Asi păng dêh Bithini.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.