Jang 2:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng lu sư wang hlĭch hlăch păng khan: “Lu bơngai 'noh tơring Galilê ngăl.

Jang 2:7 Iomraidhean Croise

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Mathiơ 26:73

Lăp đunh 'biơ̆ kơ noh lu bơngai oei kiơ̆ ei năm tơ Pêtrôs păng khan: “Ih khŭl lu sư tơpă na ih pơma lei-lăi thoi lu sư.”

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Markôs 2:12

Sư iung hloi iŏk anhŭn sư lĕch brŏk 'bơ̆t anăp đe tơpôl lơ. Thoi noh na đĭ-đăng lu bơngai oei kiơ̆ ei 'bôh hlĭch tơpă păng ư-ang kơ 'Bok Kei-Dei khan: “Đơ̆ng sơ̆ bơ̆n tam 'bôh ôh tơdrong thoi âu iih?”

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Jang 1:11

“Ơ bơngai Galilê, iĕm lăng 'bloh chă kiơ tơ plĕnh? Ning-mônh Sư gô jur dơ̆ng kư̆m thoi Sư tŏk mơ̆n.”

Jang 2:12

Na lu kon tơring wang hlĭch hlăch hăm ưh kơ băt tơchĕng lơliơ dơ̆ng. Thoi noh lu sư pơma băl tơduă lu sư khan: “Lơliơ tơdrong 'nâu?”

Jang 2:8

Mă-lei lơliơ bơ̆n mơ̆ng sư pơma thoi pơma nơ̆r bơ̆n kơdih?

Jang 3:10

Đe kơnăl kơ sư đêl hmă oei 'bơ̆t 'măng tơm apinh jên. Na đe lăm hnam ei sơleng kơ đon yua kơ sư gơh yak boih.