Jang 2:5 - Sơ̆p Hlabơar Nơ̆r 'Bok Kei-Dei

⁵ Lăm năr 'noh tơ Pơlei Jêrusalem, đei lơ lu đe Juđê, lu sư mă 'maih kơkuh kơ 'Bok Kei-Dei; lu sư năm đơ̆ng jơ̆p-jang kơ dêh char năm tơ Pơlei Jêrusalem.

Jang 2:5 Iomraidhean Croise

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Sa 8:18

Đơ̆ng noh, đei nơ̆r đơ̆ng Kră Yang Tih Hloh khan kơ inh:

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Luka 17:24

yua kơ năr ei kơnh đĭ-đăng kon bơngai gô 'bôh Inh jur thoi lĕ kơmlat, chêr 'blêt 'bôh jơ̆p-jang kơ teh đak, mă đơ̆ng hơlĕch truh tơ bơmơ̆t.

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Luka 24:18

Na gah minh 'nu, anăn sư Klôpaih, tơl Yêsu thoi âu: “Dôm lu kon pơlei Jêrusalem hăm lu bơngai tơmoi oei tơ ei, lu sư băt đĭ tôm tơdrong truh tơ Pơlei Jêrusalem brei mơsơ̆, na pă Ih đĕch dah kiơ bơngai tơmoi wih đơ̆ng noh boih ră mă-lei tam băt kơ tơdrong noh?”

Yo 12:20

Đei bơngai Grĕk năm tơ Pơlei Jêrusalem hơpong kơ năr giĕng ei păng mơ̆t kơkuh kơ 'Bok Kei-Dei.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 10:7

Đơ̆ng rŏng kơ linh jang 'lơ̆ng brŏk, 'bok Kôrnei krao 'bar 'nu bơngai jang kơ sư păng minh 'nu linh juăt awih awăn păng sư. Linh ei kư̆m lui kơ 'Bok Kei-Dei mơ̆n.

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 22:12

“Tơ Pơlei Đamas ei đei minh 'nu bơngai anăn sư Anania. Sư ling-lang pơm kiơ̆ tơdrong juăt bơ̆n. Đĭ-đăng bơngai Juđê lăm Pơlei Đamas băt kơ sư bơngai 'lơ̆ng.

Jang 8:2

Đei lu bơngai lui kơjăp năm 'bŭ atâu Êtien. Lu sư nhơ̆m hmoi ơh kơ Êtien lôch.

Jang 8:27

Na Philip năm hloi. Kơplah Philip yak rok trong ei sư 'bôh minh 'nu bơngai pơm tih kư̆m oei yak rok trong ei mơ̆n. Bơngai pơm tih ei, sư khŭl bơngai dêh char Êthiôpia. Sư wei-lăng jên yă Kanđake. Yă Kanđake pơm pơtao dêh char Êthiôpia. Na bơngai mă wei jên yă pơtao ei, ki sư năm tơ Pơlei Jêrusalem năm kơkuh kơ 'Bok Kei-Dei.

Both 2:25

Năr âu Inh gô pơm ăn kơ lu kon pơlei pơla mă oei lăm kơpal teh âu gô hli păng krưp dêh đei kơtơ̆ng roi gah iĕm, lu kon pơlei noh gô tơtơ̆ păng hli krưp dêh kơ iĕm.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.