44 Lu bơngai lui pơgơ̆p băl, dôm lu mŭk tơmam sư jing hơdai.
Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.
Sư đei minh hlak mir na blơ̆ mơdro đei jên. Sư pơyơ̆r kơ 'Bok Kei-Dei tơpă, sư ăn kơ lu bơngai jơ̆ng 'bang Yêsu.
Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.