Jang 2:38 - Sơ̆p Hlabơar Nơ̆r 'Bok Kei-Dei

³⁸ Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 2:38 Iomraidhean Croise

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 59:20

“Tơ'ngla dŏng pơklaih gô truh tơ Siôn; năm tơ lu bơngai lăm adrĕch adrung Jakôp, mă achăng hŭt tơdrong yoch.” Kră Yang pơma thoi noh.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 1:15

Sư khan: “Năr âu trŏ kơ năr 'Bok Kei-Dei wă pơgơ̆r iĕm boih. Iĕm athei tơbral kơdih tôm tơdrong yoch iĕm, na lui kiơ̆ tơdrong 'nao 'lơ̆ng Sư.”

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Luka 3:10

Na lu bơngai tơpôl ei jet Yôhan: “Lei ih wă kơ nhôn pơm thoi yơ?”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 10:48

Đơ̆ng noh na Pêtrôs athei lu sư iŏk 'batem hăm anăn Yêsu Krist. Klaih kơ noh lu đe Kôrnei apinh Pêtrôs oei hăm sư 'bar pêng năr dơ̆ng.

Jang 13:38

Ơ lu 'nhŏng oh, inh wă kơ iĕm băt tơpă tơdrong âu: Yua kơ Yêsu na iĕm gơh klaih đơ̆ng tơdrong yoch.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Jang 22:16

Na dang ei ih gô kiơ? Ih iung wăi, năm iŏk 'batem, krao khan kơ Yêsu wă kơ ih klaih đơ̆ng tơdrong yoch.’

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Jang 8:12

Mă-lei lăp lu sư lui kơ nơ̆r Philip bơtho gah Tơdrong 'Nao 'Lơ̆ng Yêsu Krist păng tơdrong 'Bok Kei-Dei wă pơgơ̆r bơ̆n, na Philip pơm 'batem kơ lu sư bơngai drŏ-nglo, drŏ-kăn hloi.

Jang 8:20

Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Rom 6:3

Kơplah bơ̆n iŏk 'batem sơ̆ rim 'nu kơ bơ̆n tơmơ̆t lăm Yêsu Krist dang lĕ kơ bơ̆n lôch păng Sư boih.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.