Jang 2:31 - Sơ̆p Hlabơar Nơ̆r 'Bok Kei-Dei

³¹ Đawit băt kơ 'Bok Krist mă 'Bok Kei-Dei ăn wă pơgơ̆r bơ̆n, Sư gô iung arih dơ̆ng na Đawit khan thoi âu: 'Bok Kei-Dei ưh kơ đei achăng tŭk Sư lăm anih bơngai lôch, akâu Sư ưh kơ jing ôm ôh.

Jang 2:31 Iomraidhean Croise

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Jang 13:35

Kư̆m đei chih tơ âu tơ nai dơ̆ng: ‘Ih ưh kơ ăn akâu Inh mă Kon 'lơ̆ng Ih jing ôm ôh.’

Jang 2:27

kơlih kơ Ih ưh kơ đei achăng tŭk Inh lăm anih bơngai lôch ôh, Ih kư̆m ưh kơ ăn Kon 'Lơ̆ng Ih lôch ôm ôh.

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”