Jang 2:24 - Sơ̆p Hlabơar Nơ̆r 'Bok Kei-Dei

²⁴ Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

Jang 2:24 Iomraidhean Croise

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Êsai 10:7

Mă-lei sư ưh kơ wă thoi noh. Lăm jơhngơ̆m sư ưh kơ tơchĕng thoi noh ôh sư wă 'maih pơrăm tơhiong lê̆ lơ dêh char.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

Yo 10:35

Bơ̆n băt sơ̆p hla bơar 'Bok Kei-Dei pơma trŏ tơpăt, na 'Bok Kei-Dei khan kơ lu kơdră bơ̆n mă Sư ăn jang tơdrong Sư sơ̆ khan sư dang yang.

Yo 12:39

Lu sư ưh kơ lui kơlih kơ Êsai đei khan lê̆ thoi âu:

Yo 20:9

Đơ̆ng sơ̆ lu sư ưh kơ hlôh kơ tơdrong mă sơ̆p hla bơar 'Bok Kei-Dei khan lê̆ hơdrol gah Yêsu gô iung arih đơ̆ng lôch.

Jang 1:16

“Ơ lu 'nhŏng oh, Yang Bơhngol 'Lơ̆ng ăn kơ Đawit chih pơkă lê̆ hơdrol roi gah Juđa sơ̆ lăm sơ̆p hla bơar 'Bok Kei-Dei. Yua kơ thoi noh na trŏ dang ei tơpă. Juđa tơ'bôh trong kơ đe năm rôp Yêsu.

Jang 13:30

Mă-lei 'Bok Kei-Dei tơiung arih Sư đơ̆ng lôch.

Jang 13:37

Mă-lei akâu Yêsu ưh kơ jing ôm ôh yua kơ 'Bok Kei-Dei tơiung arih Sư đơ̆ng lôch.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Rom 10:9

'Noh wă khan dah 'bơ̆r bơ̆n ră roi kơ đe khan bơ̆n lui kơ Yêsu Krist Kră Yang bơ̆n, noh jơhngơ̆m đon bơ̆n lui kơ 'Bok Kei-Dei tơiung arih Yêsu đơ̆ng lôch boih, dôm noh đĕch bơ̆n klaih boih đơ̆ng tơdrong yoch.

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

Rom 4:24

Sư jô̆ kơ bơ̆n hai mơ̆n, dah bơ̆n lui păng gơnang kơ Sư hăm đĭ jơhngơ̆m klơm klak tơpă. Sư boih tơiung arih Yŏng bơ̆n Yêsu Krist đơ̆ng lôch.

Rom 6:4

Đe pơm 'batem kơ bơ̆n tơmôch bơ̆n lăm đak, noh dang đe 'bŭ bơ̆n minh pôm bong hăm Sư boih. Na 'Bok Kei-Dei yua mơsêh mơyang Sư tơiung arih Yêsu Krist đơ̆ng lôch, noh wă khan bơ̆n đei tơdrong arih 'nao ưh pă kiơ̆ tơdrong so dơ̆ng.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

I Kor 15:12

Thoi noh dah nhôn bơtho khan Yêsu Krist iung arih đơ̆ng lôch, lei lơliơ lăm lu iĕm mơ'nah khan ưh kơ đei bu gơh iung arih đơ̆ng lôch?

I Kor 15:15

Dah ưh kơ đei bu iung arih đơ̆ng lôch, thoi noh 'Bok Kei-Dei kư̆m ưh kơ tơiung arih Yêsu Krist ôh păng lu nhôn dang lĕ bơngai pơm kơdranh hơlĕnh kơ 'Bok Kei-Dei đĕch, yua kơ nhôn khan 'Bok Kei-Dei tơiung arih Yêsu Krist đơ̆ng lôch boih.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

I Kor 6:14

'Bok Kei-Dei tơiung arih Yŏng bơ̆n đơ̆ng lôch, na Sư kư̆m wă tơiung arih akâu bơ̆n hăm tơdrong mơsêh Sư mơ̆n.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

Galati 1:1

Inh Pôl chih hơpong kơ lu bơngai lui tơ dêh char Galati. Jet gia 'nhŏng oh. Lu 'nhŏng oh bơngai lui tơ inh âu kư̆m đei nơ̆r jet gia kơ iĕm mơ̆n. Inh pơm jơ̆ng 'bang Yêsu Krist yua kơ Sư ăn inh pơm jơ̆ng 'bang Sư. 'Bă Sư 'Bok Kei-Dei tơiung arih Sư đơ̆ng lôch păng Sư kư̆m ăn kơ inh pơm jơ̆ng 'bang Yêsu mơ̆n. Ưh kơ sĭ kon bơngai ăn kơ inh ôh. Ưh kơ sĭ kon bơngai pơtruh ăn kơ inh nơ̆r 'Bok Kei-Dei athei inh pơm jơ̆ng 'bang Yêsu ôh, inh kơtơ̆ng đơ̆ng Sư đĕch khan kơ inh.

Êphêsô 1:20

kư̆m thoi Sư gơh tơiung arih Yêsu đơ̆ng lôch atŏk tơ plĕnh oei gah 'ma kơ Sư;

Kôlôsê 2:12

'Noh thoi đe pơm kơ bơ̆n 'batem tơmôch lăm đak, dang 'bŭ akâu bơ̆n hơdai Yêsu minh pôm bong. Bơ̆n iung đơ̆ng đak, kư̆m dang bơ̆n iung arih thoi Sư mơ̆n. Dang ei bơ̆n jing bơngai 'nao boih yua kơ bơ̆n lui păng gơnang kơ tơdrong mơsêh mơyang 'Bok Kei-Dei mă tơiung arih Sư đơ̆ng lôch noh.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.