Jang 2:23 - Sơ̆p Hlabơar Nơ̆r 'Bok Kei-Dei

²³ Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 2:23 Iomraidhean Croise

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 26:24

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Mathiơ 27:35

'Blă kơ noh lu linh pơ̆ng Sư tơ 'long pơglang. Lu linh ei lu sư pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Markôs 15:24

Na lu linh pơ̆ng Sư tơ 'long pơglang. Lu sư pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 22:22

Inh Kon Bơngai gô lôch 'blep trŏ thoi 'Bok Kei-Dei pơkă, mă-lei mơnat kơ bơngai mă plơ̆ plĕch Inh 'noh đĕch pŭ tơdrong pơmat.”

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 23:33

Lăp lu sư truh tơ anih đe anăn anih kơting kơ̆l bơngai lôch, na lu sư pơ̆ng Yêsu tơ 'long pơglang tơ noh. 'Bar 'nu bơngai yoch noh hei sư kư̆m pơ̆ng hơdai păng Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Luka 24:20

Na lu 'bok soi tih bơ̆n păng lu đe kră pơgơ̆r lu bơ̆n jao Sư kơ 'bok tih Pilat athei pơlôch Sư. Na đơ̆ng noh lu sư pơ̆ng pơlôch lê̆ Sư tơ 'long pơglang.

Yo 19:18

Tơ noh boih đe pơ̆ng Sư tơ 'long pơglang. Pơ̆ng hơdai Yêsu kư̆m đei 'bar 'nu bơngai nai, minh 'nu gah 'ma minh 'nu gah 'ngiĕo, na Yêsu tŏk-bŏk.

Yo 19:24

Lu linh pơma băl tơduă lu sư khan: “Lu bơ̆n 'nĕ pă hek ao 'nâu, gô bơ̆n hlang lăng 'mơ̆i, na băt bu gơh iŏk.” 'Noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Lu sư hek asong băl hơbĕn ao Inh, klaih kơ 'noh hlang iŏk ao tai Inh.” Thoi noh lu linh pơm rok tơdrong 'noh.

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

Jang 15:18

Kră Yang 'Bok Kei-Dei khan thoi noh, Sư pơm 'blep tơdrong noh mơ̆n. Sư tơbăt kơ đe tơdrong noh đơ̆ng blŭng-a sơ̆.’

Jang 2:36

Inh wă kơ đĭ-đăng bơngai Isơrael băt mă nhên: Yêsu mă iĕm pơ̆ng pơlôch tơ 'long pơglang, Sư boih 'Bok Kei-Dei ăn pơm Yŏng bơ̆n păng 'Bok Krist mă pơgơ̆r bơ̆n kư̆m Sư mơ̆n.”

Jang 3:18

Mă-lei tơdrong noh trŏ kơ 'Bok Kei-Dei pơkă sơ̆. 'Bok Kei-Dei yua đĭ-đăng lu bơngai khan lê̆ hơdrol sơ̆ pơkă 'Bok Krist gô lôch pơmat.

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Rom 2:12

Lu bơngai khŭl nai, lu sư ưh kơ băt kơ tơdrong juăt 'Bok Kei-Dei pơkă kơ lu bơngai Juđê sơ̆, na lu sư oei pơm yoch khŏm khŏm, ning-mônh 'Bok Kei-Dei kư̆m phak lu sư mơ̆n. Lu bơngai Juđê băt ră kơ tơdrong juăt 'Bok Kei-Dei pơkă noh, mă-lei lu sư oei pơm yoch, ning-mônh 'Bok Kei-Dei kư̆m phak lu sư mơ̆n, yua kơ lu sư ưh kơ kiơ̆ tơdrong Sư pơkă.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

I Tes 2:15

Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.