Jang 2:11 - Sơ̆p Hlabơar Nơ̆r 'Bok Kei-Dei

¹¹ Bơ̆n đơ̆ng dêh char Kret, mơ'nah đơ̆ng dêh char Arabia. Dôm lu bơ̆n âu đei lơ dêh char tơpă, mă-lei bơ̆n kơtơ̆ng sư pơma tôm đĭ lu nơ̆r kon bơngai bơ̆n phara. Lu sư roi dôm lu tơdrong mơsêh mơyang 'Bok Kei-Dei pơm.”

Jang 2:11 Iomraidhean Croise

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

II Ho 26:7

Kră Yang 'Bok Kei-Dei tơgŭm sư kĕ jei blah lu kon pơlei Philistin, bơngai Arâp oei tơ lăm pơlei Gur Baal, klaih kơ noh lu bơngai Mêunit.

Jop 9:10

Sư pơm lu tơdrong tih-tin ưh kơ đei bu kĕ băt, tơdrong hlĭch chrơp bu kĕ jô̆.

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:21

Ăn kơ lu sư bơnê kơkuh kơ Kră Yang, Yua kơ tơdrong 'mêm Sư yua kơ tơdrong jang hlĭch chrơp Sư pơm boih kơ kon bơngai.

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Horiso 136:4

Lăp minh 'nu Sư đĕch mă pơm mơsêh hlĭch dêh. Tơdrong 'mêm Sư oei oei ling-lang.

Horiso 26:7

Hơri nơ̆r bơnê re, Păng ră roi dôm tơdrong hlĭch chrơp mă Ih đei pơm.

Horiso 40:5

Ơ Kră Yang, 'Bok Kei-Dei inh, tơdrong jang hlĭch chrơp Ih đei pơm boih, Păng lu tơdrong Ih tơchĕng kơ lu nhôn. Ưh kơ gơh pơting bu hăm Ih.b Tơdah inh wă ră roi dah tơbăt. Tơpă lơlap dêh ưh kơ kĕ kơ jô̆,

Horiso 71:17

Ơ Kră Yang 'Bok Kei-Dei, Ih bơtho boih inh đơ̆ng oei 'lơ̆p. Dĭng truh tơ dang ei, inh oei roi tơbăt gah tơdrong jang hlĭch chrơp Ih.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Horiso 78:4

Lu bơ̆n kư̆m ưh kơ ôn dôm tơdrong noh kơ kon sâu lu bơ̆n. Bơ̆n gô roi kơ adrĕch adrung đơ̆ng rŏng dôm tơdrong trŏ hơri bơnê kơ Kră Yang, Tơdrong mơsêh păng tơdrong jang hlĭch chrơp mă Kră Yang đei pơm.

Horiso 89:5

Ơ Kră Yang, jơ̆p kơ plĕnh, gô kơkuh bơnê kơ tơdrong hlĭch chrơp Ih. Tơdrong tơpăt Ih đe kư̆m gô kơkuh bơnê. Tơ lăm khŭl 'lơ̆ng rơgoh.

Horiso 96:3

Ră roi tơdrong ư-ang kơ Sư tơ jơ̆p dêh char. Roi tơbăt dôm tơdrong jang hlĭch chrơp Sư kơ rim adrĕch kon bơngai.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Êsai 13:20

Pơlei noh ưh kơ đei bơngai bu oei dơ̆ng, đơ̆ng chăl nai truh tơ chăl ninh. Lu bơngai Arâp ưh pă pơdơ̆ng hnam khăn 'bĭch tơ noh, lu bơngai wei triu kư̆m ưh pă chĭt triu lu sư tơ noh dơ̆ng.

Êsai 21:13

Khan lê̆ adrol gah char Arâp Ơ lu khŭl Đêdan bơngai chă mơdro, lu iĕm gô tep lăm bri Arabi,

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 28:29

Tơdrong noh kư̆m lĕch đơ̆ng Kră Yang Tih Hloh, tơdrong tơchĕng Sư hlĭch chrơp dêh tơdrong gơh hơgei Sư 'lơ̆ng tih tơpă.

Je 25:24

Ăn kơ lu pơtao Arâp, ăn kơ lu pơtao rim dêh char nai oei hơbĭ lăm char glă.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Jang 2:10

Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

Jang 2:12

Na lu kon tơring wang hlĭch hlăch hăm ưh kơ băt tơchĕng lơliơ dơ̆ng. Thoi noh lu sư pơma băl tơduă lu sư khan: “Lơliơ tơdrong 'nâu?”

Jang 27:12

Nhôn oei tơ anih ei kư̆m ưh kơ 'lơ̆ng ôh yua kơ kial dơhlu hơbŭt tih ei lăm bơyan 'mi, na lu bơngai hao thŏng-nan ei wă năm tơ đak dơsĭ dơ̆ng, wă năm truh tơ Pơlei Phênik. Pơlei Phênik kư̆m tơ bŏl đak ei mơ̆n na tơ ei kial đơ̆ng hơlĕch hăm đơ̆ng gah yă-nơ̆m dơhlu dă 'biơ̆. Lu sư wă oei tơ ei lăp oei hơtai bơyan 'mi.

Jang 27:13

Klaih kơ noh kial dơhlu dă 'biơ̆ đơ̆ng gah gơal, na lu bơngai oei lăm thŏng-nan ei dui atŏk mam pơkơ̆ng thŏng-nan tơ kơpal boih na gơh năm. Nhôn năm jê̆ jih bŏl đak Kret.

Jang 27:7

Đei kial dơhlu hơdrơ̆k, na kơplah 'bar pêng năr nhôn năm adar adar đĕch. Nhôn năm anat tơpă, na truh tơ Pơlei Kơnat. Nhôn ưh kơ gơh năm tơpăt yua kơ kial dơhlu hơdrơ̆k, na nhôn weh gah 'ngiĕo năm brih gah anih kueng kơdrô̆ đe anăn Sôlêmon tơ bŏl đak đe anăn bŏl đak Kret. Nhôn oei năm gah 'ngiĕo kơ bŏl đak Kret, kiơ̆ ei kial dơhlu dă 'biơ̆.

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

Galati 1:17

Inh kư̆m ưh kơ đei năm tơ Pơlei Jêrusalem chă hơpong kơ lu bơngai jơ̆ng 'bang Yêsu mă jang adrol kơ inh ôh. Inh năm tơ dêh char Arabia. Klaih kơ noh inh năm tơ Pơlei Đamas dơ̆ng.

Tit 1:12

Âu minh 'nu 'bok thây 'lơ̆ng oei tơ bŏl đak Kret sơ̆, sư bơtho pơhil kơ lu buăl sư kơlih kơ lu buăl sư bơngai kơchu, sư khan: “Nhôn bơngai tơring đak Kret hơlĕnh plơ̆ plĕch kơ đe. Nhôn 'maih chă tơdrong blah 'bet đe. Nhôn bơngai sa dư păng alah kơ jang.”

Tit 1:5

Lăp ba tơklah băl đơ̆ng bŏl đak Kret ki, inh pơkă kơ ih kư̆ kơ oei tơ noh wă kơ ih jang mă keh dôm tơdrong inh jang ưh kơ tam keh. Inh wă kơ ih rơih chă lu bơngai lui wă pơm kră wei-lăng bơngai lui tơ rim pơlei, kư̆m thoi inh pơkă kơ ih ki.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.