Jang 2:10 - Sơ̆p Hlabơar Nơ̆r 'Bok Kei-Dei

¹⁰ Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

Jang 2:10 Iomraidhean Croise

Bl 12:10

Kơplah ei sơ̆, tơ dêh sư đei pơngot rơwĕt. Tơdrong pơngot rơwĕt âu tih dêh, na Abram jur tơ char Êyiptơ oei gô tơ noh.

Esther 8:17

Lăm rim tơring, rim pơlei, anih ayơ mă đei iŏk hla bơar pơkă đơ̆ng pơtao truh tơ tơring noh đei tơdrong chơt hiôk chhôk hơiă kơ adrĕch adrung Juđa, minh năr et sa chơt hiôk. Đei lơ lu bơngai lăm adrĕch char đe nai kư̆m khan kơ lu sư bơngai Juđa yua kơ lu sư hli dêh kơ bơngai Juđa pơm kơ lu sư.

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Je 9:26

Lu bơngai drŏ-nglo Êyiptơ, bơngai Juđa, bơngai Eđôm, lu bơngai Ammôn, bơngai Môap păng đĭ-đăng lu bơngai oei lăm char glă hơkôih kơ̆l 'ngôch sơ'ngon, yua kơ lu kon pơlei noh hăm đĭ-đăng lu adrĕch Isơrael ưh tam mă kăt tơdra akar lăm jơhngơ̆m lu sư.”

Êsêkiên 30:5

Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Da 11:43

Sư gô iŏk lơ tơmam gĭt, hu maih păng kư̆m iŏk pơđĭ tơmam gĭt đơ̆ng Êyiptơ; kon pơlei Libi păng kon pơlei Êthiôpi gô kiơ̆ đơ̆ng rŏng kơ sư.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

Sa 8:20

Kră Yang Tih Hloh khan thoi âu: “Gô đei lơ lu kon pơlei păng lu kon pơlei nai mă oei tơ lăm pơlei tih gô truh;

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Mathiơ 2:15

Lu sư oei tơ dêh Êyiptơ truh tơ pơtao Hêrôt lôch. Lu sư pơm thoi noh 'blep thoi Kră Yang 'Bok Kei-Dei ăn kơ bơngai pơtruh nơ̆r Sư khan lê̆ hơdrol sơ̆ thoi âu: “Inh krao Kon Inh brŏk đơ̆ng dêh Êyiptơ.”

Mathiơ 23:15

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm kư̆ kơ năm bơtho jơ̆p-jang kơ teh đak, tơ minh 'nu bơngai kư̆m năm bơtho, mă tơdrong bơtho, iĕm ưh kơ bơtho sư pơm 'lơ̆ng ôh, rai pơm kơnê̆ hloh kơ iĕm dơ̆ng.

Mathiơ 27:32

Đei minh 'nu bơngai anăn sư Simôn đơ̆ng Pơlei Siren. Sư năm brih trong ei na lu linh pơgŏ sư tôi kơ Yêsu 'long pơglang.

Markôs 15:21

Đei minh 'nu bơngai, anăn sư Simôn đơ̆ng Pơlei Siren. Sư 'bă bre Aleksandrê păng Ruphus. Sư năm brih trong ei wă mơ̆t tơ Pơlei Jêrusalem ră na lu linh pơgŏ sư tôi kơ Yêsu 'long pơglang.

Jang 11:20

Lăm lu bơngai lui ei đei bơngai đơ̆ng dêh Chiprơ păng bơngai Pơlei Siren lu sư khŭl Juđê, mă-lei lu sư năm bơtho tơdrong Kră Yang Yêsu kơ lu kon tơmoi ưh kơ khŭl sư tơ Pơlei Antiôs.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 13:13

Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 14:24

Đơ̆ng noh bre sư năm yak brih apŭng Pisidi truh tơ apŭng Pamphili.

Jang 15:38

Mă-lei Pôl tơchĕng khan: “Ưh kơ trŏ kơ anhăk ba sư, yua kơ sư achăng lê̆ ba tơ dêh char Pamphili sơ̆ jing pă đei kiơ̆ ba bơtho tơdrong 'Bok Kei-Dei tơ pơlei nai.”

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 17:21

Lu sư pơma thoi noh yua kơ đĭ-đăng lu bơngai Pơlei Aten păng lu bơngai tơmoi oei tơ pơlei ei mơ̆n, lu sư ling-lang wă răp mơ̆ng tơdrong 'nao đe bơtho, mơ'nah bơtho tơdrong kiơ, mơ'nah bơtho tơdrong kiơ.

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Jang 2:11

Bơ̆n đơ̆ng dêh char Kret, mơ'nah đơ̆ng dêh char Arabia. Dôm lu bơ̆n âu đei lơ dêh char tơpă, mă-lei bơ̆n kơtơ̆ng sư pơma tôm đĭ lu nơ̆r kon bơngai bơ̆n phara. Lu sư roi dôm lu tơdrong mơsêh mơyang 'Bok Kei-Dei pơm.”

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 27:5

Đơ̆ng 'noh dơ̆ng nhôn năm găn hloi đak dơsĭ brih kơ dêh char Salisia hăm dêh char Pamphili, na truh tơ Pơlei Mira tơ lăm dêh char Lisi.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.

Rom 1:15

Yua kơ thoi noh na inh hưch hanh hmăng dah truh tơ iĕm wă bơtho tơdrong 'nao 'lơ̆ng sư.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Tim 1:17

Lăp sư truh tơ Pơlei Rôm sư chă inh tơ̆p mă 'bôh 'mơ̆i.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.