Jang 2:1 - Sơ̆p Hlabơar Nơ̆r 'Bok Kei-Dei

¹ Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 2:1 Iomraidhean Croise

II Ho 30:12

Kră Yang 'Bok Kei-Dei kư̆m tơgŭm lu bơngai Juđa pơm ăn kơ lu sư lăp đon 'maih wă pơm kiơ̆ nơ̆r pơtao păng yŏng pơgơ̆r đei tơtă, kiơ̆ thoi nơ̆r Kră Yang.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

Horiso 133:1

Ơ lăng deh 'lơ̆ng hơiă tơpă 'nhŏng oh oei sa hiôk pơgơ̆p băl.

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 34:22

Ih athei 'blŏk răk năr giĕng, bơyan blŭng-a ih kĕch phĕ, yuă 'ba mi, hăm bơyan ih phĕ kĕch yuă tuch-luch lăm sơnăm.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Jang 1:5

Yôhan pơm kơ iĕm 'batem păng đak, mă-lei pă đunh boih 'Bă Inh gô pơm kơ iĕm 'batem phara, Sư gô ăn kơ iĕm Yang Bơhngol 'Lơ̆ng Sư.”

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Jang 20:16

Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Jang 5:12

Lu bơngai jơ̆ng 'bang Yêsu pơm lơ tơdrong mơsêh mơyang đơ̆ng Kră Yang ăn. Lu bơngai lui pôm jơhngơ̆m akŭm tơ pra hnam 'Bok Kei-Dei tơm mă đe anăn Pra Sôlômôn.

Rom 15:6

Thoi noh na đĭ-đăng kơ iĕm jing pôm 'bơ̆r pôm đon ư-ang Kră Yang 'Bok Kei-Dei mă 'Bă Yŏng Kơdră bơ̆n Yêsu Krist.

I Kor 16:8

Mă-lei dang ei inh wă oei tơ Pơlei Êphêsô truh kơ Năr Giĕng Pangtơkôt 'mơ̆i na năm tơ iĕm,

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 2:2

Thoi noh na inh wă kơ iĕm iŏk dôm nơ̆r inh akhan kơ iĕm, wă kơ iĕm đei đon 'mêm mơnat dih băl; păng wă kơ iĕm pôm đon lăm tôm tơdrong, na jơhngơ̆m inh kư̆m chhơp rai loi.