Jang 19:34 - Sơ̆p Hlabơar Nơ̆r 'Bok Kei-Dei

³⁴ Lăp lu bơngai Pơlei Êphêsô kơnăl kơ sư bơngai Juđê mơ̆n, na lu sư rai pơma re khan: “Ư-ang kơ yang Dian yang khŭl bơngai Êphêsô bơ̆n.” Lu sư pơma ư-ang kơ yang sư thoi noh khŏm khŏm lăm 'bar jơ.

Jang 19:34 Iomraidhean Croise

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

Mathiơ 6:7

“Kơplah iĕm krao khan, iĕm athei tơchĕng tơpă tơdrong iĕm krao khan noh, 'nĕ pơma pơlơ̆k pơle đon tơchĕng tơ nai thoi bơngai kơkuh kơ yang nai, yua kơ lu sư tơchĕng ăp kơ pơma pơlơ̆k pơle lơ 'mơ̆i na 'Bok Kei-Dei ăn.

Jang 16:20

Lu sư ăn kơ linh wei 'bơ̆t anăp lu kră pơlei na khan thoi âu: “Bơngai âu pơm rŭng răng kơnê̆ tơ pơlei bơ̆n. Bre sư bơngai Juđê.

Jang 19:24

Minh 'nu bơngai pơm tơmam hu, anăn sư Đêmêtrơs, oei tơ Pơlei Êphêsô. Sư pơm hnam yang iĕ păng hu lei-lăi kơ hnam yang tih mơ̆n yang Dian. Sư pơm tĕch hnam ei lơ tơpă păng đei lơ jên, hăm lu bơngai jang kơ sư sa jên kư̆m lơ.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 19:28

Lăp lu sư kơtơ̆ng thoi noh lu sư areh kơ Pôl tơpă. Lu sư pơma re thoi âu: “Ư-ang kơ yang Dian yang khŭl bơngai Êphêsô.”

Jang 19:33

Lu bơngai Juđê tơ pơlei ei mơ̆n, sư athei minh 'nu bơngai bôl sư, Aleksandrê, năm dơ̆ng 'bơ̆t anăp kon pơlei pơla wă pơma dŏng lu sư. Na lu bơngai Êphêsô mơ'nah ngêh kơ Aleksandrê boih bơngai đe wă sek tơlang. Na Aleksandrê yơ̆r ti sư wă kơ đe thĕng huay pă pơma. Sư wă pơma dŏng lu bơngai Juđê ră.

Jang 19:35

Đơ̆ng rŏng 'bar jơ ei truh tơ minh 'nu kră pơlei mah khă lu kon pơlei pơla pơma. Sư khan: “Ơ lu bơngai Êphêsô, đĭ-đăng bơngai băt Pơlei Êphêsô wei-lăng hnam yang Dian yang tih tơpă păng wei-lăng yang tơmo Dian huŏng đơ̆ng plĕnh.

Rom 2:22

Iĕm bơtho đe 'nĕ pơm pơyô kư̆ kă, na bĭ iĕm hăm pơm? Iĕm hil kơ đe kơkuh kơ rup yang. Bĭ iĕm hăm tơtông iŏk tơmam đe kơkuh kơ rup yang noh ưh?

Tơdrông Tơ'bôh 13:4

Na kon bơngai đei mơ'nah kơkuh kơ yă-grai ei, yua kơ yă-grai ei pơjao kơ sem ei gơh pơgơ̆r. Lu sư kư̆m kơkuh kơ sem ei mơ̆n. Lu sư khan: “Hăm đei bu tih atŏ kơ sem âu, hăm đei bu kĕ blah sư? Ưh kơ đei ôh.”