Jang 19:29 - Sơ̆p Hlabơar Nơ̆r 'Bok Kei-Dei

²⁹ Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 19:29 Iomraidhean Croise

Jang 13:5

Bre sư truh tơ Pơlei Salêmin dêh Chiprơ ei boih, bre sư bơtho tơdrong 'Bok Kei-Dei tơ lu hnam akŭm đe Juđê. Yôhan mă đe kư̆m anăn Markôs sư kư̆m năm hơdai păng bre sư wă tơgŭm bre sư mơ̆n.

Jang 16:12

Tơ ei nhôn jur đơ̆ng thŏng-nan năm tơ Pơlei Philip. Pơlei Philip ei tih tơpă hloh kơ lu pơlei nai tơring ei. Tơ Pơlei Philip ei đei lơ bơngai Rôm oei. Nhôn oei tơ pơlei ei kư̆m đunh 'biơ̆ mơ̆n.

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 17:8

Lăp lu kon pơlei pơla păng lu kră pơlei kơtơ̆ng thoi noh, lu sư pơma re đơđơu đơđao mao.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 19:22

Na sư wơh 'bar 'nu buăl sư Timôthê păng Êrat năm tơ dêh char Masêđôn hơdrol kơ sư. Na đơ̆ng ei Pôl oei tơ char Asi đunh 'biơ̆ dơ̆ng.

Jang 19:32

Lăm hnam đe ei đe pơma đơđơu đơđao mao. Đei lu mơ'nah pơma re tơdrong 'nâu, lu mơ'nah tơdrong nai, yua kơ lu sư ưh kơ băt akŭm tơdrong kiơ.

Jang 20:34

Iĕm kư̆m băt mơ̆n inh bơ̆jang păng ti đĕch wă 'me sa akâu inh kơdih hăm lu bôl buăl inh mơ̆n.

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 21:30

Đĭ-đăng Pơlei Jêrusalem đơđơu đơđao mao. Lu kon pơlei kơdâu năm tơ ei na rôp dui anhăk Pôl tơ 'ngoaih hnam akŭm 'Bok Kei-Dei tơm, na đe tang 'măng hnam ei hloi.

Jang 21:38

Inh ngêh kơ ih bơngai Êyiptơ chă pơhlŭ đe iung tơblah lu kră pơgơ̆r sơ̆, anhăk puăn-rơbâu 'nu bơngai kơnê̆ tơ char glă.”

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

I Kor 1:14

Inh bơnê kơ 'Bok Kei-Dei yua kơ inh ưh kơ đei pơm kơ iĕm 'batem ôh sơ̆. Hơtai ei sơ̆ inh pơm kơ bre Kripơ hăm Guơs đĕch đơ̆ng lu khŭl iĕm.

I Kor 4:9

Thoi inh chă tơchĕng, 'Bok Kei-Dei ăn kơ khŭl nhôn pơm jơ̆ng 'bang Yêsu lŭch hloh kơ đĭ-đăng bơngai, nhôn dang bơngai đe wă pơlôch đĕch; jơ̆p-jang kơ plĕnh teh, kon bơngai, linh jang 'lơ̆ng 'bôh đe pơm kơ nhôn thoi noh tơpă.

II Kor 8:19

Mă ưh kơ sĭ kơ tơdrong noh đĕch, sư âu đơ̆ng rim hnam 'Bok Kei-Dei rơih wă kiơ̆ nhôn chĕp ba jên đơ̆ng iĕm đơ̆ng đe ra. Tơdrong ra jên noh wă pơư pơang anăn Kră Yang păng wă kơ đe băt kơ bơ̆n bơngai lăp đon kơ tơgŭm đe tơpă.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

III Yo 1:1

Inh kră wei-lăng bơngai lui chih kơthơ âu. Hmach kơ ih, Guơs. Inh 'mêm kơ ih tơpă kơlih kơ ih bơngai lui 'lơ̆ng.