Jang 19:16 - Sơ̆p Hlabơar Nơ̆r 'Bok Kei-Dei

¹⁶ Na bơngai yang mơ̆t ei hơloh teh hloi lu đe ei jĭ tơpă. Na lu sư kơdâu tơklah đơ̆ng hnam bơngai yang mơ̆t ei, yua kơ jei bơngai yang mơ̆t ei boih. Ao lu sư tơhek đĭ păng akâu lu sư 'blơ̆n 'blăn pơ'ngeh.

Jang 19:16 Iomraidhean Croise

Markôs 5:15

Lu sư năm tơ Yêsu na 'bôh bơngai mă đêl yang kơnê̆ mơ̆t ei oei ngôi 'bơ̆t ei. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu sư khan: “Bơngai 'nâu boih yang kơnê̆ pơm kơ sư wơnh dêh ki.” Na lu sư hli kơ Yêsu.

Luka 8:35

Na lu kon pơlei pơla năm lăng tơdrong noh lơliơ. Lu sư năm tơ Yêsu na 'bôh bơngai mă đêl yang mơ̆t ei oei ngôi 'bơ̆t jơ̆ng Yêsu. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu đe ei hli kơ Yêsu.

Jang 19:15

Mă-lei bơngai yang kơnê̆ ei khan kơ lu sư: “Inh băt kơ Yêsu păng inh băt kơ Pôl; mă lu iĕm âu inh ưh kơ băt ôh. Iĕm bu?”

Jang 19:17

Đĭ-đăng lu bơngai Juđê păng bơngai nai oei tơ Pơlei Êphêsô kơtơ̆ng tơdrong 'noh lu sư hli tơpă na ư-ang kơ Kră Yang Yêsu.

Jang 3:8

Sư iung 'ngrơh gơh yak. Sư hơdai wang mơ̆t tơ hnam akŭm 'Bok Kei-Dei hơdai bre Pêtrôs păng Yôhan mơ̆n. Sư yak 'lơ̆ng, jơhngơ̆m sư hiôk păng sư bơnê kơ 'Bok Kei-Dei pơklaih sư.

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.