Jang 18:6 - Sơ̆p Hlabơar Nơ̆r 'Bok Kei-Dei

⁶ Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 18:6 Iomraidhean Croise

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

Ne 5:13

Inh kư̆m tơtuh tơdrơi ao inh na khan: Tơdah bơngai bu ưh kơ wei răk pơm kiơ̆ nơ̆r pơkă âu, na apinh Kră Yang 'Bok Kei-Dei gô tơtuh lê̆ hnam, mŭk drăm bơngai ưh kơ pơm kiơ̆ nơ̆r pơkă 'nâu păng tơtuh kơ bơngai noh jing hoh-hoy! Tơpôl lơ kư̆m wang drơ̆ng: “A-men!” Lu sư ư-ang kơ Kră Yang, lu bơngai ei pơm kiơ̆ thoi nơ̆r đei pơkă.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 33:4

na dah bu kơtơ̆ng re keng mă-lei ưh kơ kơchăng lê̆ kơ lu đao hơlă pơlôch sư lei, pham sư gô tuh tơ kơpal kơ̆l sư,

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Lêwi 20:9

Tơdah bơngai bu blei hiap mĕ dah 'bă sư đe gô pơlôch. Sư hiap boih mĕ 'bă sư na pham sư gô tuh tơ sư kơdih.

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Mathiơ 22:10

Na lu bơngai jang kơ sư năm răp jơ̆p-jang rim kơ trong. Lu sư 'bôh mă bơngai 'lơ̆ng, mă bơngai kơnê̆, kư̆ kơ krao anhăk tơ̆p anih hrăt-hrot 'bĕnh kơ bơngai.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Mathiơ 8:11

Na Inh wă khan kơ iĕm dơ̆ng, ning-mônh gô đei lơ bơngai jơ̆p-jang kơ teh đak âu năm sŏng sa hơdai hăm Abraham, Isăk, Jakôp tơ dêh char 'Bok Kei-Dei.

Luka 22:65

Lu sư pơma che bơle kơ Sư tôm tĕch.

Luka 9:5

Dah pơlei ayơ ưh kơ wă sơng iŏk iĕm, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm wă tơbăt ăn kơ lu sư 'Bok Kei-Dei wă phak ning-mônh.”

Jang 13:51

Na bre sư sơpuih 'bruih tơ jơ̆ng bre sư wă tơbăt kơ lu sư, lu sư bơngai yoch. Na bre Pôl năm hloi tơ Pơlei Ikôni.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Rom 3:29

Bĭ iĕm tơchĕng thoi yơ, 'Bok Kei-Dei Sư Kră Yang lu bơngai Juđê đĕch dah lu bơngai nai hai? Sư Kră Yang lu bơngai nai hai mơ̆n.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

I Pet 4:4

Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.