Jang 18:28 - Sơ̆p Hlabơar Nơ̆r 'Bok Kei-Dei

²⁸ Sư pơjah hơgei tơpă păng lu bơngai Juđê, jei sư ngăl. Sư yua sơ̆p hla bơar 'Bok Kei-Dei tơbăt ăn kơ lu bơngai Juđê Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

Jang 18:28 Iomraidhean Croise

Luka 1:80

Kon sư ei rai đunh rai wơ̆ păng nuih pran kơtang. Sư oei tơ char glă chơngue truh kơ 'Bok Kei-Dei gơh yua sư chă bơtho kơ lu bơngai Isơrael.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 18:25

Sư pơhrăm tơdrong Kră Yang Yêsu boih păng jơhngơ̆m sư wă tơpă gah bơtho tơdrong Yêsu. Sư bơtho tơdrong Yêsu kư̆m trŏ mơ̆n mă-lei sư băt ưh tam mă tôm ôh. Sư bơtho tơdrong 'batem, sư bơtho kiơ̆ kơ Yôhan đĕch; sư tam mă băt tơdrong 'batem hăm anăn Kră Yang Yêsu Krist.

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 8:35

Na Philip khan kơ sư: “Tơdrong ba đŏk 'noh hei, Êsai khan lê̆ hơdrol gah tơdrong Yêsu.” Na đơ̆ng noh Philip bơtho sư tôm tơdrong Yêsu.

Jang 9:22

Sôl bơtho rai đunh rai hơgei na lu bơngai Juđê oei tơ Pơlei Đamas ưh pă gơh pơjah ôh. Sư bơtho khan Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.