Jang 18:25 - Sơ̆p Hlabơar Nơ̆r 'Bok Kei-Dei

²⁵ Sư pơhrăm tơdrong Kră Yang Yêsu boih păng jơhngơ̆m sư wă tơpă gah bơtho tơdrong Yêsu. Sư bơtho tơdrong Yêsu kư̆m trŏ mơ̆n mă-lei sư băt ưh tam mă tôm ôh. Sư bơtho tơdrong 'batem, sư bơtho kiơ̆ kơ Yôhan đĕch; sư tam mă băt tơdrong 'batem hăm anăn Kră Yang Yêsu Krist.

Jang 18:25 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 67:2

Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Markôs 1:3

Bơngai ei bơtho tơ char glă thoi âu: “Bơ̆n tơbral kơdih tơdrong yoch wă khan bĕ hơmet trong kơ Kră Yang păng pơm trong Sư mă tơpăt.”

Markôs 12:14

Lu sư roi kơ Yêsu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang. Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar pơtao đe Rôm dah ưh?”

Luka 1:4

wă kơ ih băt mă tơpă gah tơdrong Yêsu.

Luka 7:29

Đĭ-đăng lu kon pơlei pơla păng lu bơngai iŏk jên thuê̆ mơ̆ng Yôhan bơtho sơ̆, lu sư khan 'Bok Kei-Dei 'lơ̆ng tơpăt, na lu sư wă kiơ̆ tơdrong 'Bok Kei-Dei bơtho, đơ̆ng noh Yôhan pơm 'batem kơ lu sư hloi.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 18:26

Apôlê năm tơ Pơlei Êphêsô bơtho tơ hnam akŭm bơngai Juđê. Sư bơtho kư̆m nuih tơpă mơ̆n. Lăp Prisil păng Akila mơ̆ng sư bơtho bre sư anhăk ba sư truh tơ hnam bre sư. Bre sư bơtho ăn kơ Apôlê tơdrong 'Bok Kei-Dei wă kơ sư hlôh băt tôm 'biơ̆.

Jang 19:23

Hơtai ei đei tơdrong truh kơ lu bơngai lui kơ Yêsu tơ Pơlei Êphêsô.

Jang 19:3

Pôl jet lu sư dơ̆ng: “Đe pơm kơ iĕm 'batem ayơ?” Lu sư khan: “Đe pơm kơ nhôn 'batem kiơ̆ kơ nơ̆r Yôhan bơtho.”

Jang 19:9

Mă-lei lu mơ'nah ưh kơ chu lui. Na lu sư pơma kơnê̆ gah tơdrong Kră Yang Yêsu 'bơ̆t anăp lu bơngai akŭm. Na Pôl đơ̆ng lu sư năm akŭm tơ nai. Lu bơngai lui kư̆m akŭm kiơ̆ Pôl mơ̆n. Na rim năr sư bơtho păng pơjah tơ hnam trưng Tiranơ.

Rom 12:11

Bơ̆n adrin jang tơdrong Kră Yang tôch bơneh kơ bơ̆n jang.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Lu 2:22

Inh ăn kơ lu ayăt kơ lu sư oei tơ noh Inh wă pơlong lăng lu bơngai Isơrael, lu sư hăm oei đei wei păng rok kiơ̆ trong Kră Yang thoi lu 'bok yă lu sư mă đêl oei tơ noh ưh.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.