Jang 18:24 - Sơ̆p Hlabơar Nơ̆r 'Bok Kei-Dei

²⁴ Đei minh 'nu bơngai Juđê, anăn sư Apôlê. Mĕ sư tơpŭ kơ sư tơ Pơlei Aleksandrê. Sư bơngai 'bơ̆r đon bơtho hơgei tơpă păng hlôh đĭ dôm sơ̆p hla bơar 'Bok Kei-Dei.

Jang 18:24 Iomraidhean Croise

Esơra 7:12

Artaserses, pơtao kơ lu pơtao, gơih ăn kơ Esơra, 'bok soi bơngai bơtho hơgei kơ hla bơar, hlôh tôm khôi juăt Kră Yang 'Bok Kei-Dei kơpal plĕnh, hơpơi ăn kơ ih hiôk-hian lăm tôm tơdrong.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Le 4:10

Môis tơl Kră Yang thoi âu: Ơ! Kră Yang bơnê kơkuh kơ Ih, đơ̆ng năr brei năr mơsơ̆, mă đơ̆ng krô Ih pơma bơtho đĭch đam Ih, inh ưh tam trŏ bơngai pơma gơh hơgei, yua kơ 'bơ̆r păng hơpiĕt inh pơma arăk ưh kơ hơđăl.

Êsai 3:3

Lu yŏng pơgơ̆r pơđăm-jĭt 'nu linh, păng lu 'bok pơgơ̆r, lu 'bok gơh chă đon, lu bơngai gơh bơ̆jang hơgei păng lu pơjâu.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Luka 24:19

Na Yêsu jet dơ̆ng: “Tơdrong kiơ kih?” Na bre sư khan: “Tơdrong Yêsu đơ̆ng Pơlei Nasaret, Sư bơngai pơtruh nơ̆r 'Bok Kei-Dei. 'Bok Kei-Dei ăn kơ Sư hơgei tơpă bơtho tơdrong 'Bok Kei-Dei păng ăn kơ Sư gơh pơm lơ tơdrong mơsêh mơyang mơ̆n. Na đĭ-đăng lu kon tơring tơrang wang ư-ang kơ Sư.

Jang 18:19

Klaih kơ noh lu sư tŏk thŏng-nan năm tơ Pơlei Êphêsô. Truh tơ Pơlei Êphêsô boih, bre Prisil păng Akila, bre sư oei hloi tơ ei. Pôl năm akŭm tơ hnam akŭm bơngai Juđê tơ Pơlei Êphêsô bơtho păng pơjah hăm lu bơngai Juđê.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 18:28

Sư pơjah hơgei tơpă păng lu bơngai Juđê, jei sư ngăl. Sư yua sơ̆p hla bơar 'Bok Kei-Dei tơbăt ăn kơ lu bơngai Juđê Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Jang 27:6

Lăp truh tơ ei boih, 'bok yŏng linh chă đei minh pôm thŏng-nan nai đơ̆ng Pơlei Aleksandrê wă năm tơ dêh char Itali. Na sư athei lu nhôn tŏk thŏng-nan ei.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.

Jang 7:22

Truh Môis tơdăm 'lŏ boih, sư pơhrăm tôm tơdrong đe Êyiptơ. Sư bơngai 'bơ̆r đon tơpă, sư pơm tôm tơdrong hơgei.

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

I Kor 16:12

Gah 'nhŏng bơ̆n Apôlê, inh pơlung sư khŏm khŏm athei sư năm ngôi tơ iĕm hơdai lu 'nhŏng oh bơ̆n ră, mă-lei sư ưh kơ yĕng năm ngôi tơ iĕm dang ei ôh, gô sư wăn ning-mônh na sư năm ngôi.

I Kor 4:6

Ơ 'nhŏng oh, dôm tơdrong inh bơtho pơtih gia hei, inh pơma 'bơm anăn inh păng anăn Apôlê đĕch, inh wă kơ iĕm huay kơ pơang kơ kon bơngai mă bu bu kư̆m thoi sơ̆p hla bơar 'Bok Kei-Dei khan. Thoi noh iĕm 'nĕ pơư bơngai âu pơchê bơngai to.

II Kor 10:10

thoi lu đe mă jô̆ kơ inh, khan kơthơ inh chih pơma kơtang dêh, mă-lei mưh inh oei hơdai lu sư tơpă, lu sư jô̆ kơ inh khan bơngai lêl, bơngai pơma ưh kơ yua.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Tit 3:13

Sêna sư hơgei tôm tơdrong juăt 'Bok Kei-Dei pơkă sơ̆, na bre sư Apôlê wă năm bơtho đe. Hơdrol kơ bre sư wă năm tơklah đơ̆ng ih, ih athei tơdŏng mơnat ăn kơ bre sư tôm tơdrong tơmam hŏ, wă kơ bre sư huay kơ kơ'bah lăm tơmam bre sư wă năm bơtho đe.