Jang 18:21 - Sơ̆p Hlabơar Nơ̆r 'Bok Kei-Dei

^21-22 Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 18:21 Iomraidhean Croise

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Markôs 6:46

Đơ̆ng noh na Yêsu tơklah đơ̆ng lu đe ei tŏk tơ kông kơdrô̆ Sư wă krao khan kơ 'Bă Sư.

Luka 9:61

Đei minh 'nu dơ̆ng khan: “Ơ 'Bok, inh wă kiơ̆ Ih mơ̆n mă-lei gô inh pơtruh kơ đe mĕ 'bă inh 'mơ̆i.”

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Jang 18:19

Klaih kơ noh lu sư tŏk thŏng-nan năm tơ Pơlei Êphêsô. Truh tơ Pơlei Êphêsô boih, bre Prisil păng Akila, bre sư oei hloi tơ ei. Pôl năm akŭm tơ hnam akŭm bơngai Juđê tơ Pơlei Êphêsô bơtho păng pơjah hăm lu bơngai Juđê.

Jang 18:20

Lu bơngai Juđê ei apinh Pôl oei păng lu sư khŏm khŏm mă-lei Pôl ưh kơ chu sư.

Jang 18:24

Đei minh 'nu bơngai Juđê, anăn sư Apôlê. Mĕ sư tơpŭ kơ sư tơ Pơlei Aleksandrê. Sư bơngai 'bơ̆r đon bơtho hơgei tơpă păng hlôh đĭ dôm sơ̆p hla bơar 'Bok Kei-Dei.

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Jang 19:17

Đĭ-đăng lu bơngai Juđê păng bơngai nai oei tơ Pơlei Êphêsô kơtơ̆ng tơdrong 'noh lu sư hli tơpă na ư-ang kơ Kră Yang Yêsu.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 20:16

Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 21:14

Na nhôn khan: “Ih pơma thoi noh nhôn ưh pă gơh tang găn ih dơ̆ng ôh na nhôn gô mơ̆ng kơ 'Bok Kei-Dei đĕch.”

Jang 21:29

Lu sư pơma thoi noh yua kơ hơdrol lu sư 'bôh Trôphĭm, bơngai tơmoi đơ̆ng Pơlei Êphêsô năm hơdai păng Pôl lăm Pơlei Jêrusalem ei, na lu sư ngêh kơ Pôl anhăk Trôphĭm mơ̆t lăm hnam akŭm 'Bok Kei-Dei tơm.

Rom 1:10

Inh krao khan apinh Sư pơchoh kơ inh trong wă kơ inh gơh năm ngôi hơpong hăm iĕm.

Rom 15:32

Thoi noh dah 'Bok Kei-Dei ăn kơ inh yĕng năm truh tơ iĕm tơpă lei jơhngơ̆m inh hiôk dêh, inh tơchĕng gơh pơdơh ngôi păng iĕm 'biơ̆.

I Kor 15:32

Inh đei tơdrong gleh truh kơ inh tơ Pơlei Êphêsô dang lĕ inh tơblah păng sem bri. Dah inh adrin tơblah păng sư, mă-lei inh ưh kơ tơchĕng tơdrong inh gô iung arih ning-mônh, lei tơdrong inh adrin 'noh ưh kơ đei yua kiơ kơ inh ôh. Dah 'Bok Kei-Dei ưh kơ tơiung arih lu bơngai bơ̆n đơ̆ng lôch, lei bơ̆n kuă kơ kiơ kơ sa et phĭ mah rơkah rơkai chă tơdrong hiôk ling-lang, yua kơ bơ̆n wă lôch hiong hiơt thoi ei?

I Kor 16:7

'Nâu ưh kơ sĭ inh wă drong ngôi đĕch ôh, inh wă oei hơdai iĕm đunh 'biơ̆ mơ̆n, dah Kră Yang ăn.

I Kor 16:8

Mă-lei dang ei inh wă oei tơ Pơlei Êphêsô truh kơ Năr Giĕng Pangtơkôt 'mơ̆i na năm tơ iĕm,

I Kor 4:19

Na inh khan kơ iĕm, dah Kră Yang ăn, ưh pă đunh boih inh wă năm tơ iĕm tơpă, wă kơ băt bơngai pơang akâu sư ei, sư hơgei tơpă dah ưh.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Both 16:1

Iĕm athei 'blŏk kơ khei 'ba huăt, pơm giĕng Năm Brih kơ Kră Yang 'Bok Kei-Dei iĕm; yua kơ lăm khei trŏ kơ 'ba huăt,a Kră Yang 'Bok Kei-Dei iĕm chông anhăk iĕm lĕch đơ̆ng dêh Êyiptơ kơmăng.

Hêbrơ 6:3

Na dang ei, dah 'Bok Kei-Dei ăn, bơ̆n gơh pơhrăm pơthim lơ̆m tơdrong nai 'biơ̆ wă kơ mă jrŭ.

Ya 4:15

Na iĕm kuă kơ kiơ kơ pơma thoi âu trŏ: “Dah 'Bok Kei-Dei oei ăn kơ bơ̆n arih, bơ̆n gơh jang sa tơdrong âu tơdrong to.”

I Pet 3:17

Phŏ phŏ 'Bok Kei-Dei wă kơ bơ̆n pơmat mơ̆n mă khan bơ̆n pơm 'lơ̆ng. Na tơ̆ng đe pơmat bơ̆n yua kơ bơ̆n pơm 'lơ̆ng, noh bơ̆n hiôk hloh kơ tơdrong đe pơmat bơ̆n yua kơ bơ̆n pơm kơnê̆.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu: