Jang 17:6 - Sơ̆p Hlabơar Nơ̆r 'Bok Kei-Dei

^6-7 Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Jang 17:6 Iomraidhean Croise

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Luka 23:5

Mă-lei lu sư khan thoi âu dơ̆ng wă pơlŭt Pilat kư̆m jâu Sư bơngai yoch: “Yêsu âu chă pơchŭt đe kon tơring tơrang jơ̆p kơ dêh Juđê đơ̆ng tơring Galilê mah truh tơ bơ̆n âu.”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 17:10

Truh 'năr mơ̆t boih, lu bơngai lui athei bre Pôl păng Silas năm tơ Pơlei Bêrê. Lăp truh tơ pơlei ei na bre sư năm akŭm tơ hnam akŭm bơngai Juđê.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 17:5

Lu bơngai Juđê mơ'nah ưh kơ lui, lu sư 'nhĕng bre Pôl păng Silas. Na lu sư năm krao pơhlŭ lu bơngai pơm kơnê̆ kơ đe. Lu bơngai pơm kơnê̆ ei lăm pơlei sư mơ̆n na lu bơngai pơm kơnê̆ kơ đe ei pơtrŭt lu kon pơlei pơla năm bơwang hnam Jason wă chă bre Pôl păng Silas, wă dui anhăk ba tơ'bơ̆p 'bơ̆t anăp kon pơlei pơla.

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”