Jang 17:4 - Sơ̆p Hlabơar Nơ̆r 'Bok Kei-Dei

⁴ Lăm lu bơngai Juđê đei lu mơ'nah lui kơ tơdrong Pôl bơtho na lu sư pôm đon păng bre Pôl păng Silas. Lơ bơngai Grĕk mă lui kơ tơdrong 'Bok Kei-Dei đơ̆ng sơ̆ păng lơ bơngai drŏ-kăn mă đei đon kư̆m lui kơ Yêsu mơ̆n.

Jang 17:4 Iomraidhean Croise

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Hơri Hiôk 6:1

Pơyô ih năm tơ yơ? Ơ bơngai 'lơ̆ng guăng hloh kơ lu adruh nai? Pơyô ih weh trong ayơ, Wă kơ nhôn kư̆m wang chă sư hơdai ih?

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Yo 7:35

Lu bơngai Juđê pơma dih băl khan: “Bơngai âu Sư wă năm tơ yơ, Sư khan bơ̆n ưh kơ gơh 'bôh Sư dơ̆ng? Rŏ lăng Sư wă năm oei păng lu bơngai Juđê mă oei tơ dêh đe na bơtho lu bơngai dêh đe.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 14:1

Tơ Pơlei Ikôni bre sư kư̆m mơ̆t tơ hnam akŭm đe Juđê bơtho đe mơ̆n. Bre sư bơtho hơgei tơpă na lơ bơngai Juđê păng lơ bơngai nai lui kơ Kră Yang Yêsu.

Jang 14:4

Lăm kon pơlei pơla lu mơ'nah oei kiơ̆ gah đe Juđê, mơ'nah oei kiơ̆ gah jơ̆ng 'bang Yêsu Krist.

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 15:27

Na nhôn wơh ăn kơ iĕm Juđa păng Silas. Bre sư gô khan kơ iĕm tơdrong bơtho âu mơ̆n.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 15:40

Na Pôl anhăk Silas năm hơdai păng sư. Na lu bơngai lui krao khan apinh Kră Yang 'Bok Kei-Dei wei-lăng bre sư.

Jang 16:3

Pôl wă kơ Timôthê năm hơdai păng sư bơtho tơdrong 'Bok Kei-Dei. Na sư kăt tơdra akar Timôthê wă kơ lu bơngai Juđê oei tơ tơring ei huay kơ ơh klai, yua kơ đĭ-đăng bơngai Juđê ei băt kơ 'bă sư bơngai Grĕk.

Jang 17:10

Truh 'năr mơ̆t boih, lu bơngai lui athei bre Pôl păng Silas năm tơ Pơlei Bêrê. Lăp truh tơ pơlei ei na bre sư năm akŭm tơ hnam akŭm bơngai Juđê.

Jang 17:12

Thoi noh na lăm lu bơngai Juđê tơ ei đei lơ bơngai lui kơ Yêsu. Kư̆m đei lơ bơngai drŏ-kăn sư bơngai Grĕk, sư hơgei păng mơdrŏng păng lơ bơngai Grĕk drŏ-nglo kư̆m lui mơ̆n.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Jang 17:17

Na Pôl bơtho lu bơngai Juđê păng lu bơngai nai mă lui kơ 'Bok Kei-Dei tơ hnam akŭm bơngai Juđê wă kơ lu sư lui kơ Yêsu. Pôl kư̆m bơtho lu kon pơlei pơla tơ kơchơ mơ̆n.

Jang 17:34

Mă-lei kư̆m đei lu mơ'nah lui kơ Yêsu. Lăm lu sư lui ei đei Đenis. Sư bơngai kră pơlei khŭl sek tơlang tơ kông Arêpa ei păng yă Đamar. Păng lu bơngai nai dơ̆ng kư̆m lui.

Jang 18:4

Rim năr pơdơh Pôl năm akŭm tơ hnam akŭm bơngai Juđê bơtho lu bơngai Juđê păng lu bơngai Grĕk wă kơ đĭ-đăng lu sư păng Juđê lui kơ Kră Yang Yêsu.

Jang 19:10

Kơplah 'bar sơnăm sư bơtho tơ hnam trưng ei, na đĭ-đăng bơngai oei tơ dêh char Asi mă bơngai Juđê mă lu bơngai nai, kư̆m kơtơ̆ng tơdrong Kră Yang Yêsu mơ̆n.

Jang 2:44

Lu bơngai lui pơgơ̆p băl, dôm lu mŭk tơmam sư jing hơdai.

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 28:24

Đei lu mơ'nah lui kơ nơ̆r Pôl bơtho, lu mơ'nah dơ̆ng ưh kơ lui.

Jang 4:23

Bre Pêtrôs păng Yôhan lĕch đơ̆ng ei năm tơ lu bôl sư păng roi đĭ tơdrong lu 'bok soi tơm păng lu kră sek tơlang khă bre sư.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.