Jang 17:31 - Sơ̆p Hlabơar Nơ̆r 'Bok Kei-Dei

³¹ yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 17:31 Iomraidhean Croise

Horiso 9:8

Sư gô sek tơlang kơ teh đak hăm tơdrong tơpăt, Sư pơgơ̆r tơpăt na sek tơlang kon bơngai hăm tơdrong trŏ.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Luka 22:22

Inh Kon Bơngai gô lôch 'blep trŏ thoi 'Bok Kei-Dei pơkă, mă-lei mơnat kơ bơngai mă plơ̆ plĕch Inh 'noh đĕch pŭ tơdrong pơmat.”

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 16:10

Sư tơbăt kơ lu sư Inh pơm 'lơ̆ng tơpăt kơlih kơ Inh brŏk tơ 'Bă Inh 'Bok Kei-Dei, na iĕm ưh pă 'bôh Inh dơ̆ng.

Yo 5:27

'Bă Sư ăn kơ Kon Sư sek tơlang kon bơngai, yua kơ Kon Sư jur jing bơngai.

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Jang 17:6

Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.