Jang 17:28 - Sơ̆p Hlabơar Nơ̆r 'Bok Kei-Dei

²⁸ Tơdrong noh 'bok thây iĕm kư̆m chih mơ̆n sơ̆ khan: ‘'Bok Kei-Dei ăn kơ bơ̆n gơh arih gơh bơ̆jang.’ 'Bok thây iĕm kư̆m chih thoi âu: ‘Bơ̆n kư̆m kon 'Bok Kei-Dei mơ̆n.’

Jang 17:28 Iomraidhean Croise

Jop 12:10

Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

Je 38:16

Mă-lei pơtao Sêđekia pơkă hlơp hơdrô̆ hăm Jêrêmi: “Sĭt tơpă thoi Kră Yang arih, Tơ'ngla pơjing boih tơdrong arih lu bơ̆n, inh pơkă, inh ưh kơ pơlôch ih ôh, inh kư̆m ưh kơ pơjao ih kơ lu bơngai 'maih wă pơlôch ih!”

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Luka 20:38

Lu bơngai âu lôch đĭ boih kơplah noh sơ̆, mă-lei bơ̆n băt kơ lu sư gô iung arih đĭ tôm kơ lu sư yua kơ 'Bok Kei-Dei Kră Yang wei-lăng gah tơdrong arih, ưh kơ sĭ Sư wei-lăng gah tơdrong lôch ôh. Dôm lu bơngai lui kơ Sư mă lôch tơ ala teh âu, 'Bok Kei-Dei ăn kơ lu sư iung arih wă pơang anăn 'Bok Kei-Dei.”

Luka 3:38

Kainan kon Ênot. Ênot kon Set. Set kon Ađam. Ađam kon 'Bok Kei-Dei.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Kôlôsê 1:17

Kon Sư đei hơdrol kơ tôm tơdrong, tôm tơdrong noh Sư wei-lăng ngăl.

Tit 1:12

Âu minh 'nu 'bok thây 'lơ̆ng oei tơ bŏl đak Kret sơ̆, sư bơtho pơhil kơ lu buăl sư kơlih kơ lu buăl sư bơngai kơchu, sư khan: “Nhôn bơngai tơring đak Kret hơlĕnh plơ̆ plĕch kơ đe. Nhôn 'maih chă tơdrong blah 'bet đe. Nhôn bơngai sa dư păng alah kơ jang.”

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.