Jang 17:25 - Sơ̆p Hlabơar Nơ̆r 'Bok Kei-Dei

²⁵ Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

Jang 17:25 Iomraidhean Croise

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Jop 12:10

Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Jop 22:2

Kon bơngai hăm đei yua kiơ kơ Kră Yang 'Bok Kei-Dei ưh? Bơngai hơgei lăp pơyua ăn kơ sư kơdih đĕch.

Jop 27:3

Dang yơ inh oei dui jơhngơ̆m, oei đei hơyuh kial arih Kră Yang 'Bok Kei-Dei oei lăm trôm muh inh.

Jop 33:4

Yang bơhngol 'lơ̆ng Kră Yang 'Bok Kei-Dei pơjing inh bơih, Hơyuh kial dui jơhngơ̆m Kră Yang Tih Hloh ăn kơ inh arih.

Jop 34:14

Tơdah Kră Yang pơkă wă pơm. Tơdah Sư pơdrâu iŏk bơhngol păng hơyuh kial dui jơhngơ̆m đơ̆ng Sư kơdih,

Horiso 16:2

Inh đei khan păng Kră Yang boih: “Ih boih Kră Yang inh. 'Nguaih kơ Ih inh ưh kơ đei pŭn hiôka nai dơ̆ng.”

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Je 38:16

Mă-lei pơtao Sêđekia pơkă hlơp hơdrô̆ hăm Jêrêmi: “Sĭt tơpă thoi Kră Yang arih, Tơ'ngla pơjing boih tơdrong arih lu bơ̆n, inh pơkă, inh ưh kơ pơlôch ih ôh, inh kư̆m ưh kơ pơjao ih kơ lu bơngai 'maih wă pơlôch ih!”

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Jo 27:16

Ơ Kră Yang, 'Bok Kei-Dei Yang kơ đĭ-đăng kon bơngai, apinh Ih rơih chă ăn bĕ minh 'nu lăm khŭl adrĕch adrung âu pơm yŏng pơgơ̆r.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Jang 17:28

Tơdrong noh 'bok thây iĕm kư̆m chih mơ̆n sơ̆ khan: ‘'Bok Kei-Dei ăn kơ bơ̆n gơh arih gơh bơ̆jang.’ 'Bok thây iĕm kư̆m chih thoi âu: ‘Bơ̆n kư̆m kon 'Bok Kei-Dei mơ̆n.’

Rom 11:35

Sư ưh kơ kơ'bah, mă ưh kơ đei bu tơgŭm.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.