Jang 17:24 - Sơ̆p Hlabơar Nơ̆r 'Bok Kei-Dei

²⁴ 'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Jang 17:24 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

Bl 14:22

Abram tơl sư thoi âu: “Inh yơ̆r ti 'bơ̆t anăp Kră Yang 'Bok Kei-Dei tih hloh, Kră Yang pơgơ̆r plĕnh teh, na pơkă thoi âu:

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

II Ho 2:6

Lei na bu kĕ pơm ăn hnam kơ Kră Yang? Mă lu plĕnh, plĕnh kơ lu tăl plĕnh kư̆m ưh kơ gơh 'măn kơ Sư mơ̆n! Lei inh âu bu, mă gơh pơm hnam ăn kơ Kră Yang? Pơm hnam lăp wă soh 'long 'bâu phu 'bơ̆t anăp Sư.

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

Horiso 115:16

Lu hơtăl plĕnh ti jơ̆ tơmam Kră Yang ngăl. Mă-lei Sư ăn teh âu kơ kon bơngai.

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 148:13

Ăn kơ lu sư hơri ư-ang kơ anăn Kră Yang. Yua kơ lăp minh anăn Sư đĕch mă trŏ kơ pơyom. Tơdrong ư-ang Sư kơjung hloh kơ đĭ-đăng teh đak păng plĕnh.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Êsai 40:12

Bu yua bơih tơpang sư na kŏng đak dơsĭ, yua hơđa ti sư pơtŏ lu plĕnh ti? Bu Yua hnŏng na kŏng bơih 'mui teh? Bu yua bơih 'long kŏng na kŏng kông? Bu yua bơih tơlei tơpăt na pơtŏ kông groi?

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 5:34

Na Inh bơtho iĕm dang ei thoi âu: Dôm tơdrong iĕm pơkă wă kơ đe băt kơ iĕm gô pơm, iĕm 'nĕ pă hiap akâu kơdih kơ 'Bok Kei-Dei dah hiap akâu kơ tơdrong kiơ nai. Thoi noh na iĕm 'nĕ pă pơkă pao anăn plĕnh, yua kơ plĕnh dang tang-dŏ 'Bok Kei-Dei tơoei, noh dang iĕm pơkă pao anăn 'Bok Kei-Dei mơ̆n.

Luka 10:21

Kơplah noh Yang Bơhngol 'Lơ̆ng ăn kơ Yêsu hiôk na Sư krao khan: “Ơ 'Bă, Ih boih Kră Yang plĕnh teh. Inh bơnê kơ Ih yua kơ dôm tơdrong Inh bơtho, Ih tơbăt kơ lu bơngai âu mă băt gơnang kơ Ih thoi lu hơ'lơ̆p băt gơnang kơ mĕ 'bă păng Ih ưh kơ tơhlôh kơ lu bơngai mă gơnang kơ akâu sư kơdih hŏk hơgei. Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Yo 1:1

Đei minh 'nu Sư dang nơ̆r 'Bok Kei-Dei, Sư jur tơ bơ̆n wă kơ bơ̆n hlôh tơdrong 'Bok Kei-Dei. Đơ̆ng blŭng-a sơ̆ tam đei plĕnh teh, Sư đei boih. Sư oei hơdai păng Kră Yang 'Bok Kei-Dei, mă Sư kư̆m Kră Yang 'Bok Kei-Dei mơ̆n.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.

Jang 7:48

“Kră Yang 'Bok Kei-Dei ưh kơ wă oei ôh hnam kon bơngai pơm. 'Noh thoi bơngai pơtruh nơ̆r 'Bok Kei-Dei khan sơ̆:

Rom 1:19

'Bok Kei-Dei tơbăt kơ kon bơngai nhên dêh boih gah tơdrong Sư đei tơpă.

Both 10:14

Lu plĕnh păng lu tăl plĕnh kơjung hloh, teh păng dôm tơmam kơpal teh noh jơ̆ đơ̆ng Kră Yang 'Bok Kei-Dei.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 3:4

Kơlih kơ rim hnam đei tơ'ngla pơm ngăl. Tơ'ngla mă pơm noh wă khan 'Bok Kei-Dei boih, yua kơ Sư pơjing tôm tơdrong.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.