Jang 17:15 - Sơ̆p Hlabơar Nơ̆r 'Bok Kei-Dei

¹⁵ Đei lu bơngai lui năm ba Pôl truh tơ Pơlei Aten. Na đơ̆ng noh lu bơngai lui ei brŏk dơ̆ng tơ Pơlei Bêrê, pơtruh nơ̆r Pôl athei bre Silas păng Timôthê năm hloi tơ sư.

Jang 17:15 Iomraidhean Croise

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Jang 17:16

Hơtai Pôl oei chang gô bre Silas păng Timôthê tơ Pơlei Aten ei, sư sơ'ngon dêh yua kơ sư 'bôh Pơlei Aten ei lơ pơm rup yang tơpă.

Jang 17:21

Lu sư pơma thoi noh yua kơ đĭ-đăng lu bơngai Pơlei Aten păng lu bơngai tơmoi oei tơ pơlei ei mơ̆n, lu sư ling-lang wă răp mơ̆ng tơdrong 'nao đe bơtho, mơ'nah bơtho tơdrong kiơ, mơ'nah bơtho tơdrong kiơ.

Jang 17:22

Pôl dơ̆ng 'bơ̆t anăp kră pơlei tơ kông Arêpa păng khan thoi âu: “Ơ Pơlei Aten, inh 'bôh iĕm kơkuh kơ rup yang lơ tơpă.

Jang 18:1

Đơ̆ng rŏng kơ 'noh Pôl năm đơ̆ng Pơlei Aten truh tơ Pơlei Kôrintô.

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

I Tes 3:1

Yua kơ thoi noh na nhi Timôthê rơnguơ̆ dêh kơ iĕm na nhi tơklah dih băl. Inh oei kơdrô̆ inh tơ Pơlei Aten. Timôthê năm ngôi tơ iĕm. Timôthê oh bơ̆n, sư jang tơdrong 'Bok Kei-Dei bơtho tơdrong 'nao 'lơ̆ng Yêsu Krist. Na inh wơh sư năm bơtho khan kơ iĕm, wă kơ lu iĕm lui kơjăp.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.