Jang 17:12 - Sơ̆p Hlabơar Nơ̆r 'Bok Kei-Dei

¹² Thoi noh na lăm lu bơngai Juđê tơ ei đei lơ bơngai lui kơ Yêsu. Kư̆m đei lơ bơngai drŏ-kăn sư bơngai Grĕk, sư hơgei păng mơdrŏng păng lơ bơngai Grĕk drŏ-nglo kư̆m lui mơ̆n.

Jang 17:12 Iomraidhean Croise

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 14:1

Tơ Pơlei Ikôni bre sư kư̆m mơ̆t tơ hnam akŭm đe Juđê bơtho đe mơ̆n. Bre sư bơtho hơgei tơpă na lơ bơngai Juđê păng lơ bơngai nai lui kơ Kră Yang Yêsu.

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

I Kor 1:26

Ơ 'nhŏng oh, iĕm chă lăng lu bơngai mă 'Bok Kei-Dei rơih iŏk đơ̆ng lu khŭl iĕm sơ̆, sư thoi yơ? Lăm lu iĕm kư̆m hui kơ đei hŏk hơgei, hui bơngai pơm tih, hui bơngai đơ̆ng adrĕch yŏng mơng.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Ya 1:10

Bơngai bu mơdrŏng jing dơnuh hin sư kư̆m hiôk bĕ, yua kơ tơdrong mơdrŏng sư ưh kơ kăl ôh. Lu bơngai mơdrŏng gô hiong hiach thoi pơkao 'long bri brah.

Ya 1:21

Thoi noh na bơ̆n athei lê̆ đĭ dôm tơdrong kơnê̆ 'mê̆-'mach păng chu yom kơ 'Bok Kei-Dei. Bơ̆n athei lui kơ nơ̆r Sư na bơ̆n gơh klaih đơ̆ng tơdrong yoch.